Left arrow Go Back

DISKORS MILL-ONOR. DOLORES CRISTINA, MINISTRU TAL-EDUKAZZJONI, KULTURA, ŻGĦAZAGĦ U SPORT FL-OKKAŻJONI TAL-FTUĦ TAS-SENA AKKADEMIKA TAL-UNIVERSITÀ TAT-TIELET ETÀ – FLORIANA – 3 TA’ OTTUBRU 2008

pr1411
Date Icon 03/10/2008

Bonġu lil kulħadd.

Nieħu gost nara dan l-entużjazmu kollu fikomfil-ftuħ ta’ din is-sena Akkademika tal-Università tat-Tielet Età.  L-istess entużjazmu li rajt meta ftit jiem ilu mort għall-ftuħ tas-sena addademika fl-Università tagħna u li rajt lejn tmiem ix-xahar li għadda meta żort skola sekondarja u oħra primarja fl-ewwel ġurnata tagħhom.
Iżdahemm differenza kbira bejn iż-żewġ okkażjonijiet li semmejt u din tal-lum.  Kemm fl-iskejjel primarji u sekondarji kif ukoll fl-Università rajt tfal u studenti li kienu għadhom se jibdew l-ewwel passi f’xi fażi tal-ħajja edukattiva tagħhom.  Illum qed niltaqgħu magħkom, li dħaltu fit-Tielet Età u li diġà għaddejtu minn dawn il-fażijiet.  Anzi nżid ngħid li intom għaddejtu diġà mill-Università tal-Ħajja u la qegħdin hawn dalgħodu jfisser li sirtu fost l-aqwa ċittadini ta’ dan il-pajjiż sabiħ tagħna.
Il-preżenza tagħkom hawn hi xhieda li intomikkonvinċejtu ruħkom kemm hu utli it-tagħlim tul il-ħajja li llum tant qed nisħqu dwaru.  Għaraftu li tafu kemm tafu, dejjem jibqa’ lok li ssiru tafu aktar u ħtaftu l-opportunità biex tkomplu tkabbru l-għerf tagħkom f’din l-istituzzjoni.
Fostkom qed nara nies ta’ professjonijiet uħiliet differenti.  Nies li qdejtu lill-pajjiż fis-snin li għaddew, kulħadd skond il-kapaċitajiet tiegħu u s-sejħa tiegħu.  Bejnietkom għandkom minjiera kbira ta’ għerf u tagħrif u qed tfittxu li tkomplu tkabbru din il-minjiera.  Dan hu l-kobor li għandu l-pajjiż.
Aħnama għandniex riżorsi naturali.  Ma għandniex żejt, faħam, deheb u saħansitra anqas għandna ilma għax irridu nipproduċuh bi spiża kbira.   Iżda għandna riżorsi umani kapaċi li fihom jinħtieġ li nkomplu ninvestu. Ninvestu fir-riżorsi umani tagħna biex nassiguraw li dawn ikollhom l-aħjar edukazzjoni biex inkunu ċerti li ħadd ma jibqa’ lura u nirnexxu lkoll.
Pajjiżna għaraf li l-investiment fl-edukazzjonigħandu jinfirex biex jilħaq lil kulħadd irrispettivament mis-sess u l-età.  Għalhekk wara li assigurajna li n-nisa jingħataw l-istess opportunitajiet daqs l-irġiel anke fil-qasam edukattiv, tant li llum jekk wieħed iħares lejn l-Università tagħna jsib li hemm aktar tfajliet milli ġuvintur jieħdu l-edukazzjoni terzjarja tagħhom, komplejna niftħu opportuniet ta’ tagħlim anke għall-adulti u l-anzjani.
Biextmexxi istitutzzjoni bħal din li tilqa’ fiha mijiet ta’ persuni li huma għatxana li jkomplu jitgħallmu u biex tassikura tagħlim ta’ livell għoli kif jingħata mill-Università tat-Tielet Età, trid investiment mhux żgħir.  Il-pajjiż daħal għal dan l-investiment għax jemmen li anke l-anzjani għandhom potenzjal qawwi li bih jistgħu jgħinu lill-pajjiż kollu kemm hu.
Irridu li dawk bħalhom li l-Bambin komplajagħtihom is-saħħa, jibqgħu attivi u jgħinu fil-komunitajiet tagħhom.  Intom diġà tajtu ħafna lill-pajjiż fis-snin li għaddew, iżda jekk għadkom b’saħħtikom għandkom tkomplu tkunu ġenerużi ma’ pajjiżkom skont ma tistgħu.
Il-Gvern għaraf il-potenzjal li hemm fl-anzjanitagħna u biex iħajjarkom tkomplu tagħtu s-sehem tagħkom ħadna miżuri biex wara li tilħqu l-età tal-irtirar mix-xogħol tkunu tistgħu tkomplu taħdmu bla ma jitnaqqas xejn mill-pensjoni li ħdimtu u għandkom dritt għaliha.  L-esperjenza u l-ħiliet tagħkom ma nistgħux narmuhom.  Il-pajjiż għad għandu bżonnkom.
Jiena nittama li ħafna aktar nisa u rġiel isegwufuq il-passi tagħkom, jisfruttaw l-opportunitajiet li l-pajjiż qed joffrilhom u jkomplu jistudjaw tul ħajjithom kollha biex ikattru l-għerf tagħhom u jgħadduh lill-ġenerazzjonijiet aktar żagħżugħa.
Nixtieq inħeġġiġkom biex tkomplu turu danl-entużjażmu tagħkom lejn it-tagħlim u xxettluh f’uliedkom u n-neputijiet jew proneputijiet tagħkom.  Intom tridu tkunu ta’ eżempju għal dawk li jafukom jew huma qrib tagħkom u li lejkom iħarsu u jfittxu għall-eżempju tagħkom jew għal xi parir li tistgħu tagħtuhom. Kunu intom il-melħ ta’ din l-art ħelwa tagħna.
Nixtieq nagħlaq dawn il-kelmtejn qosra tiegħibilli nawguralkom sena akkademika attiva u sabiħa li matulha tkomplu tkabbru l-minjiera ta’ għerf li għandkom u taqsmuha mal-oħrajn għall-ġid tal-pajjiż kollu.
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FIL-MINISTERU GĦALL-ENERĠIJA, L-AMBJENT U R-RIĠENERAZZJONI TAL-PORT IL-KBIR  Imħabbra passi konkreti dwar il-ħarsien tal-annimali f’pajjiżna waqt laqgħa mal-għaqdiet volontarji fis-settur

PR261978

STQARRIJA MIS-SEGRETARJAT PARLAMENTARI FIL-MINISTERU GĦALL-ENERĠIJA, L-AMBJ...

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  “Is-suċċess tas-saħħa pubblika jitkejjel ukoll minn dak li jirnexxilna nevitaw” – Id-Deputat Prim Ministru Ian Borg

PR261977

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA “...

More Press Releases Right arrow