Left arrow Go Back

PUNTI MID-DISKORS TA’ L-ONOR. CARM MIFSUD BONNICI, MINISTRU TAL-ĠUSTIZZJA U L-INTERN WAQT L-GĦOTI TAL-WARRANTS LILL-AVUKATI L-ĠODDA

pr1401
Date Icon 01/10/2008
Il-Ministru tal-Ġustizzja u l-Intern, waqt l-għotitaċ-ċertifikati lill-avukati l-ġodda, elenka numru ta’ punti importanti marbuta mal-ħidma li qed issir fil-Qorti, kif ukoll sabiex jirreaġixxi għad-diskors tal-Onor. Prim Imħallef.
Ħidma qawwijafil-Qorti
a)Tul dawn l-aħħar tliet snin u nofs, fil-Qrati tagħna ġew deċiżi 19,151 kawżi.  Din hija figura verament impressjonanti u evidenti tax-xogħol li qiegħed isir mill-Ġudikanti.
b)Kien hemm ukoll żieda interessanti ħafna fil-kawżi ġodda fil-Qrati.  Fl-istess perjodu ta’ żmien daħlu fir-Reġistru 14,762 kawża ġdida.  Jidher mill-istatistika li l-ikbar żieda (23%) kienet fil-Prim’Awla tal-Qorti Ċivili, kif ukoll żieda fil-kawżi fil-Qorti tal-Familja li telgħu b’20%.
ċ)Minkejja d-dħul ta’ tant kawżi, l-figuri ta’ kawżi pendenti fil-Qrati tagħna niżlu bi kważi 13% minn dak li kien hemm fl-2005 sal-ġurnata ta’ llum.  Dan seħħ għax baqgħu jiġu deċiżi fuq rata kostanti ta’ 47% tal-kawżi pendenti fil-Qrati.
d)Apparti dan jidher ukoll biċ-ċar li s-sitwazzjoni fil-Qorti ta’ Għawdex kompliet tmur għall-aħjar u stabbiliet ruħha bil-kawżi jonqsu sew mill-ammonti pendenti u żdiedu iktar il-kawżi deċiżi tant li r-rata ikbar ta’ 39% ta’ kawżi deċiżi ser tibqa’ miżmuma anke matul din is-sena.
Riżultat tal-ħidmaleġiżlattiva u ġudizzjarja
Dawnir-riżultati huma frott il-ħidma kostanti tal-Ġudikatura tagħna kif ukoll tad-diversi miżuri leġiżlattivi u amministrattivi li saru f’dawn l-aħħar snin.  Hemm iktar xi jsir f’din id-direzzjoni sabiex id-dewmien tal-kawżi jkompli jiġi ridott kif l-istatistika qiegħda turi.  Il-Ministru Mifsud Bonnici jaqbel ma’ dak li qal il-Prim Imħallef fuq ħafna punti tad-diskors tiegħu u ser jistabbilihom bħala miri li għandhom jintlaħqu fis-sena li ġejja, u cioè:-

1.         Li jkun hemm dan l-istudju indipendenti flimkien ma’, possibilment il-European Commission for the Efficiency of Justice u dan sabiex, l-ewwel, tkompli titjieb il-ħidma; it-tieni, li jiġu osservati xi prattiki li qed jiġu addottati minn pajjiżi oħra u t-tielet, sabiex jiġi stabbilit aħjar kif qed jintuża l-ħin u r-riżorsi tagħna.  Is-suġġerimenti, il-proposti li jagħmlu l-ġid ma jistgħux jiġu injorati.

2.         Li l-proċedura u l-prattika li qed tiġi segwita b’mod mill-iktar għaqli tal-listi għandha tkompli tiġi żviluppata.  L-ispeċjalizzazzjoni tal-Ġudikant fi branki differenti hija pass ‘il quddiem u, mingħajr formaliżmu żejjed, qed tinbena sistema aqwa milli għandna.

3.         Li hemm bżonn li sal-aħħar tas-sena, l-emendi li ġew proposti sabiex ikun hemm eżekuzzjoni aħjar tas-sentenzi jiġu fis-seħħ bit-tibdil li ġie suġġerit.  Dan għandu jkun pass ieħor li jkompli jnaqqas mid-dewmien fil-Qrati.  Għalkemm hemm lok ta’ ħidma koordinata, u hawn jeħtieġ li l-proċeduri tad-disprezz li jiġu emendati sabiex ikunu ferm aħjar milli huma llum.

4.         Li hemm bżonn li l-leġiżlazzjoni tagħna tidħol f’dibattitu sabiex jiġi rregolat aħjar dak li għandu jiġi rrappurtat fil-gazzetti.

5.         Li l-proċess li nbeda mill-Ministeru sabiex il-kumpilazzjonijiet u l-proċessi kriminali jiġu mtejba sabiex jonqos il-ħela ta’ riżorsi u żmien lill-amministrazzjoni tal-ġustizzja, l-vittmi tar-reat, ix-xhieda u l-persuna akkużata.  Mhuwiex aċċettabbli li dawn il-każijiet idumu ħafna sabiex jiġu deċiżi, u għalkemm kien hemm żieda ta’ 42% ta’ kumpilazzjonijiet deċiżi, hemm lok għal iktar.

6.         Li l-istitut tal-avukat tal-għajnuna legali li tqajjem mill-President tal-Kamra tal-Avukati jiġi diskuss u aġġornat għaż-żminijiet.

Dawnil-punti huma essenzjali sabiex inkomplu nibnu Qrati iktar effiċjenti mingħajr ma jitilfu mis-sustanza tal-Ġustizzja.  L-aħħar ħames snin kienu impenjattivi u ġabu bidliet kbar li llum il-ġurnata qed nieħdu l-frott tagħhom.  Però dan ma jfissirx li ma hemmx iktar x’wieħed jagħmel, imma kif jgħidu: ħaġa taqla’ lill-oħra.
Il-Ministeru tal-Ġustizzja u l-Intern huwaimpenjat li jimxi ’l quddiem.
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FIL-MINISTERU GĦALL-ENERĠIJA, L-AMBJENT U R-RIĠENERAZZJONI TAL-PORT IL-KBIR  Imħabbra passi konkreti dwar il-ħarsien tal-annimali f’pajjiżna waqt laqgħa mal-għaqdiet volontarji fis-settur

PR261978

STQARRIJA MIS-SEGRETARJAT PARLAMENTARI FIL-MINISTERU GĦALL-ENERĠIJA, L-AMBJ...

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  “Is-suċċess tas-saħħa pubblika jitkejjel ukoll minn dak li jirnexxilna nevitaw” – Id-Deputat Prim Ministru Ian Borg

PR261977

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA “...

More Press Releases Right arrow