Left arrow Go Back

STQARRIJA MILL-MINISTERU GĦAR-RIŻORSI U L-AFFARIJIET RURALI

pr1391
Date Icon 30/09/2008
Maltatappoġġja proposta tal-Kummissjoni Ewropea biex tfal fl-iskejjel primarji jingħataw frott u ħxejjex b’xejn
Malta tenniet l-appoġġtagħha għall-proposta tal-Kummissjoni Ewropea biex tfal fl-iskejjel primarji jingħataw frott u ħxejjex b’xejn .  Diskussjoni dwar din il-proposta saret waqt laqgħa tal-Kunsill tal-Ministri tal-Agrikoltura u Sajd li saret illum fi Brussels u li għaliha attenda l-Ministru għar-Riżorsi u l-Affarjiet Rurali George Pullicino
Il-KummissjoniEwropea qed tipproponi li tiffinanzja sa’ 75% ta’ l-ispiża biex l-istudenti fi skejjel primarji jingħataw frott u ħxejjex.  Il-proposta tal-Kummissjoni Ewropea torbot ukoll lill-Istati Membri li jniedu strateġija ta’ promozzjoni iffinanzjata minn fondi nazzjonali.
Meta intervjenafid-diskussjoni dwar din il-proposta, l-Ministru Pullicino tenna l-apprezzament tiegħu, f’isem il-Gvern Malti, għal din il-proposta u qal li din hija miżura konkreta li permezz tagħha nistgħu ngħallmu lill-ġenerazzjonijiet futuri l-ħtieġa ta’ nutrizzjoni bbażata fuq frott u hxejjex.  Hu qal li Malta għandha problema ta’ obeżita’ fost it-tfal u għalhekk hemm bżonn ta’ programm aktar aggressiv bejn l-awtoritajiet ikkonċernati biex tkun megħluba din il-problema.
Il-MinistruPullicino qal li għandu jkun aċċertat li fl-implimentazzjoni ta’ din l-iskema jkun hemm biżżejjed flessibilita’ sabiex tkun tista’ tiġi adegwata skond it-tradizzjonijet u l-prodotti reġjonali.  George Pullicino appella biex il-pajjiżi li għandhom rati għolja ta’ obeżita’ fost it-tfal jingħataw aktar għajnuna biex ikunu jistgħu jibbenefikaw aktar minn din l-iskema.  Huwa tenna li din l-inizjattiva għandha twassal sabiex it-tfal jiżviluppaw apprezzament ukoll għal mod li bih ikun ġie prodott l-ikel ipprovdut.  Pullicino awgura li l-Kummissjoni Ewropea ma ddumx biex tikkonkludi d-diskussjoni dwar din il-proposta.
Intant, waqtil-laqgħa tal-Kunsill tal-Ministri saret ukoll diskussjoni dwar numru ta’ temi importanti ohrajn, fosthom dwar ir-riforma tal-Health Check tal-Politika Agrikola Komuni tal-Unjoni Ewropea.
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FIL-MINISTERU GĦALL-ENERĠIJA, L-AMBJENT U R-RIĠENERAZZJONI TAL-PORT IL-KBIR  Imħabbra passi konkreti dwar il-ħarsien tal-annimali f’pajjiżna waqt laqgħa mal-għaqdiet volontarji fis-settur

PR261978

STQARRIJA MIS-SEGRETARJAT PARLAMENTARI FIL-MINISTERU GĦALL-ENERĠIJA, L-AMBJ...

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  “Is-suċċess tas-saħħa pubblika jitkejjel ukoll minn dak li jirnexxilna nevitaw” – Id-Deputat Prim Ministru Ian Borg

PR261977

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA “...

More Press Releases Right arrow