Left arrow Go Back

KOOPERAZZJONI FIL-QASAM TAT-TEKNOLOĠIJA TA’ L-INFORMATIKA BEJN MALTA U TUNEŻ

PR0702
Date Icon 11/05/2007

Il-Ministru għall-Affarijiet Barranin Michael Frendo li bħalissa qed jattendi laqgħha fit-Tuneżija, l-bieraħ filgħaxija kellu laqgħa ma’ Montassar Ouali, il-Ministru Tuneżin tat-Teknoloġija ta’ l-Informazzjoni li matulha tkellmu dwar kooperazzjoni bejn iż-żewġ pajjiżi f’dan il-qasam. 

Rapport ippubblikat fil-ġurnal Tuneżin “La Presse” qal li matul din il-laqgħa, li għaliha kienet preżenti wkoll Tanya Vella, l-Ambaxxatriċi ta’ Malta f’Tuneż, iż-żewġ Ministri ddiskutew modi kif tista’ tikber il-kooprazzjoni bejn iż-żewġ pajjiżi, partikolarment fil-qasam tat-teknoloġija ta’ l-informazzjoni. 

Montassar Ouali wera interess kbir fl-iżviluppi li qed isiru f’dan il-qasam u sostna li ħidma bejn iż-żewġ pajjiżi f’dan il-qasam tista’ tikkonkretizza r-relazzjonijiet diġa’ tajba li jeżistu bejn Malta u t-Tuneżija. 

Il-Ministru Tuneżin enfasizza r-relazzjoni soda li teżisti bejn iż-żewġ pajjiżi u esprima x-xewqa u r-rieda ta’ pajjiżu, immexxi mill-President Ben Ali, li tkun konsolidata l-ħbiberija u l-kooperazzjoni bejn iż-żewġ pajjiżi fl-interess taż-żewġ popli, b’mod li jkun hemm ħidma u kooperazzjoni akbar f’dan il-qasam fir-reġjun tal-Mediterran.                                                                                                    

Il-Ministru Michael Frendo esprima l-volontà ta’ Malta li tiżviluppa f’oqsma differenti, partikolarment fil-promozzjoni ta’ proġetti u investiment f’dan il-qasam u l-kooperazzjoni bilaterali u multilaterali fir-reġjun tal-Mediterran u mpenja ruħu li jaħdem biex tissaħħaħ il-ħidma bejn l-operaturi fil-qasam tat-teknoloġija miż-żewġ pajjiżi. 

Iż-żewġ Ministri jqisu s-settur tat-teknoloġija ta’ l-Informatika bħala wieħed mill-pilastri tal-kooperazzjoni ekonomika bejn iż-żewġ pajjiżi. 

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-EDUKAZZJONI U L-ISPORT  Il-Ministru Byron Camilleri jirrikonoxxi s-suċċess storiku tat-timijiet Maltin tal-golf fil-Kampjonati Ewropej

PR261962

STQARRIJA MILL-MINISTERU GĦALL-EDUKAZZJONI U L-ISPORT Il-Ministru Byron Ca...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  Malta brings together 15 startups from 12 countries to advance innovation in circular electronics

PR261961en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

More Press Releases Right arrow