Indirizz qasir mill-Ministru Frendo lit-tfal fil-Party ta’ Jum l-Ewropa
F’diskors qasir li għamel lit-tfal miġbura għall-attivita’ marbuta ma’ Jum l-Ewropa, il-Ministru għall-Affarijiet Barranin, l-Onor. Michael Frendo qal li għalkemm attivita’ bħal din issir kull sena fl-okkażjoni ta’ Jum l-Ewropa, kull sena din għandha sservi biex tħeġġiġna nkomplu naħdmu għal paċi u l-istabilita’ fil-Mediterran.
L-Unjoni Ewropea hi għaqda ta’ 27 pajjiż li jaħdmu flimkien biex jibnu post fejn iċ-ċittadini tagħhom jistgħu jgħixu fil-paċi u l-prosperita’.
L-Unjoni Ewropea hi fonti ta’ ġid enormi għaċ-ċittadini tagħha u aħna l-Maltin il-lum nipparteċipaw minn dan il-ġid, għalkemm hemm bżonn li kulħadd ikompli jaħdem, inkluż it-tfal u l-istudenti, biex din l-għaqda tkompli tissaħħaħ u l-ġid ikompli jitkattar.
Il-Ministru Frendo insista li parti mix-xogħol tagħna ta’ kuljum għandu jkun li nsaħħu r-realta’ Ewropea u awgura li t-tfal u l-istudenti tagħna jipparteċipaw bil-mod tagħhom f’din il-ħimda huma wkoll.
Other Press Releases:
PR261962
STQARRIJA MILL-MINISTERU GĦALL-EDUKAZZJONI U L-ISPORT Il-Ministru Byron Ca...
PR261961en