Left arrow Go Back

IS-Segretarju Parlamentari Edwin Vassallo jŻur Ħwienet f’hal qormi

PR0679
Date Icon 09/05/2007

“Il-Gvern qiegħed jaħdem biex dejjem aktar negozji jiġu mgħejjuna fl-operat tagħhom.  Aħna qegħdin niltaqgħu ma’ setturi differenti, u mil-laqgħat li jkollna qegħdin niġbru informazzjoni dwar kif nistgħu niffaċilitaw in-negozju għan-negozji ż-żgħar tagħna.”  Is-Segretarju Parlamentari għan-Negozji Żgħar u s-Self Employed Edwin Vassallo kien qiegħed jitkellem waqt żjara f’numru ta’ ħwienet f’Ħal Qormi, fl-okkażjoni ta’ Jum l-Ewropa. 

Minn ħanut ewlieni li jbiegħ il-ħobża Maltija, is-Segretarju Parlamentari Edwin Vassallo ħabbar li “permezz ta’ l-iSmallEnterprise Directorate fi ħdan il-Malta Enterprise, ser inkunu qegħdin nibdew proċess ta’ konsultazzjoni mas-sidien tal-ifran.  L-iSmall Enterprise Directorate diġa’ qiegħed jaħdem viċin ta’ l-assoċjazzjonijiet tal-printers kif ukoll tal-mastrudaxxi.  Permezz ta’ dan il-proċess ta’ konsultazzjoni, il-furnara jkunu jistgħu jiltaqħu flimkien bejniethom, ma’ l-iSmallEnterprise Directorate u mas-Segretarjat Parlamentari għan-Negozji Żgħar u s-Self Employed, li ser jgħinuhom biex jiddiskutu x’inhuma l-obbligazzjonijiet tagħhom, speċjalment għal dawk li huma direttivi ġodda.  Il-furnara ser ikollhom l-opportunita’ li jitkellmu wkoll ma’ l-uffiċjali tad-Dipartiment tas-Saħħa u tal-MEPA, għal dawk li huma issues ta’ ambjent.  Fl-istess ħin, ser tkompli ssir ħidma sabiex dawn il-furnara jkunu organizzati aħjar sabiex ikunu jistgħu japplikaw għal fondi ta’ l-Unjoni Ewropea.” 

“Il-furnara li se jkunu msejjħa sabiex magħhom isir dan il-proċess ta’ konsultazzjoni m’humiex biss dawk il-furnara li jipproduċu l-ħobża Maltija, iżda dan il-proċess ta’ konsultazzjoni huwa miftuħ għas-sidien tal-ifran kollha, li jimmanifatturaw diversi prodotti ta’ l-ikel.” 

Is-Segretarju Parlamentari spjega wkoll li “l-objettiv ta’ dan il-proċess ta’ konsultazzjoni huwa li jwassal biex is-sidien ta’ negozji żgħar f’dan il-qasam ikunu aktar kompetittivi, filwaqt li jkunu mgħejjuna wkoll iwettqu l-obligazzjoni tagħhom mar-regolaturi.”

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-EDUKAZZJONI U L-ISPORT  Il-Ministru Byron Camilleri jirrikonoxxi s-suċċess storiku tat-timijiet Maltin tal-golf fil-Kampjonati Ewropej

PR261962

STQARRIJA MILL-MINISTERU GĦALL-EDUKAZZJONI U L-ISPORT Il-Ministru Byron Ca...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  Malta brings together 15 startups from 12 countries to advance innovation in circular electronics

PR261961en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

More Press Releases Right arrow