Left arrow Go Back

IFFIRMAT IL-FTEHIM GĦAT-TWAQQIF TA’ GĦAQDA ĠDIDA TAL-PRODUTTURI FIS-SETTUR AGRIKOLU

pr0654
Date Icon 03/05/2006

L-iffirmar tal-ftehim għat-twaqqif ta’ Għaqda ġdida tal-Produtturi fis-settur agrikolu huwa pass pożittiv u meħtieġ għas-sostenibbilita’ tal-bdiewa u tas-settur agrikolu lokali.

Dan qalu l-Ministru għall-Affarijiet Rurali u l-Ambjent George Pullicino waqt l-iffirmar tal-ftehim għat-twaqqif ta’ Għaqda ġdida tal-Produtturi li se jkun jisimha Ta’ Qali Producers’ Group.

Il-Ministru Pullicino qal li t-twaqqif ta’ Għaqdiet tal-Produtturi huwa pass integrali mill-istrateġija tal-Gvern biex il-biedja lokali tiffaċċja realtà ġdida ta’ kompetizzjoni. L-esperjenza pożittiva ta’ Għaqda tal-Produtturi oħra li diġà bdiet l-operat tagħha għandha tawgura tajjeb għall-futur ta’ l-għaqda l-ġdida.

Il-Ministru Pullicino fakkar kif l-Għaqdiet tal-Produtturi huma mgħejjuna minn fondi ta’ l-Unjoni Ewropea u jingħataw priorità fil-Politika Agrikola Komuni ta’ l-Unjoni Ewropea.

Is-Segretarju Parlamentari għall-Biedja u Sajd Frans Agius ukoll esprima s-sodisfazzjon tiegħu għal dan il-pass u qal li fil-ġimgħat li ġejjin il-Gvern mistenni jħabbar inizjattivi ġodda skond ma ġie negozjat ma’ l-Unjoni Ewropea li se jkunu mmirati l-aktar lejn Għaqdiet tal-Produtturi.

Iċ-chairman ta’ Ta’ Qali Producers’ Group Peter Axisa qal li huwa fatt pożittiv li wara tant ħidma issa wasal iż-żmien biex din l-Għaqda tkun rikonoxxuta formalment u tibda twettaq il-ħidma tagħha. Axisa qal li f’isem l-Għaqda l-ġdida hu jemmen li dan huwa pass utli ħafna għall-bdiewa kif ukoll għall-ġid tal-futur tas-settur agrikolu kollu kemm hu. Axisa tenna li minbarra dan il-pass, hemm lok għal inizjattivi oħrajn li għandhom iwasslu għar-ristrutturar fis-settur agrikolu.

Intant l-iffirmar tal-ftehim sar mis-Segretarju Permanenti fil-Minsiteru għall-Affarijeit Rurali u l-Ambjent Philip von Brockdorff f’isem il-Gvern u minn Peter Axisa (Chairman), Joseph Farrugia (Segretarju) u Saviour Gauci (Ko-ordinatur) f’isem Ta’ Qali Producers’ Group.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Il-Ministru Anton Refalo jżur il-proġett tat-trobbija u r-ripopolazzjoni tar-rizzi tal-baħar f’Torri San Luċjan

PR261957

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-INKLUŻJONI U L-VOLONTARJAT U MILL-MINISTERU GĦALL-POLITIKA SOĊJALI U L-FAMILJA  Malta tlaqqa’ esperti Ewropej dwar l-inklużjoni tat-tfal b’diżabilità u s-sostenn lill-familji tagħhom

PR261956

STQARRIJA MILL-MINISTERU GĦALL-INKLUŻJONI U L-VOLONTARJAT U MILL-MINISTERU ...

More Press Releases Right arrow