Kummissjoni dwar ir-Reviżjoni tal-Liġijiet relatati mal-Postijiet tad-Divertiment
Il-Kummissjoni dwar ir-Revizjoni tal-Ligijiet relatati mal-Postijiet tad-Divertiment, li twaqqfet mill-Gvern f’Jannar ta’ din is-sena, iltaqgħet għadd ta’ drabi biex tiżvolgi l-impenn tagħha.
Il-Kummissjoni, li hija mmexxija mic-Chairman, Dr Joseph Micallef Stafrace, issa tħoss li wasal il-waqt li tistieden lil kull min huwa interessat u lil kull min iħoss li jista’ jgħin biex iressaq l-ilmenti, is-suġġerimenti u kull ħaġ’oħra li jidhirlu utli għall-konsiderazzjoni ta’ l-istess Kummissjoni.
Il-kummenti lill-Kummissjoni jistgħu jsiru bil-miktub. B’danakollu, il-Kummissjoni lesta tiltaqa’ wkoll ma kull min iħoss li jkun aħjar għalih li jkellimha f’dan il-proċess ta’ konsultazzjoni.
Kull komunikazzjoni għandha tintbagħat bil-miktub lis-Segretarju, Kummissjoni Dwar ir-Reviżjoni tal-Liġijiet Relatati mal-Postijiet tad-Divertiment, Ministeru ghall-Ġustizzja u l-Intern, House of Catalunya, Triq Marsamxett, il-Belt Valletta. Is-Segretarju tal-Kummissjoni jista’ jiġi kuntattjat ukoll fuq in-numri tat-telefon: 22957115 jew 22957000.
Kull kommunikazzjoni, bil-miktub jew mod ieħor, għandha tasal għand il-Kummissjoni sas-16 ta’ Mejju 2006.
Other Press Releases:
PR261957
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261956