IL-GVERN IĦARES L-INTERESSI TA’ L-OPERATURI KOLLHA FIS-SETTUR TURISTIKU
Il-Gvern nhar it-Tnejn, ħabbar numru ta’ incentivi sabiex jissaħħaħ it-turiżmu f’pajjiżna. Dawn l-inċentivi tħabbru wara li l-Gvern tkellem ma’ l-Għaqdiet li jirrappreżentaw l-interessi ta’ l-operaturi fis-settur.
Dawn l-Għaqdiet esprimew lill-Gvern, u anke permess ta’ stqarrijiet pubbliċi, l-appoġġ tagħhom għall-inizjattivi mħabbra. Hekk ukoll għamlet l-MHRA nhar it-Tnejn, wara li ħarġet minn laqgħa ta’ siegħa u nofs mal-Prim Ministru.
Għalhekk huwa ta’ sorpriża għall-Gvern kif wara l-Laqgħa Ġenerali Straordinarja, l-MHRA ħarġet stqarrija li tgħid li d-dettalji kif mgħotija mill-Gvern nhar it-Tnejn, mhux se jwasslu għat-tkabbir tat-turiżmu fil-pajjiż u b’mod partikolari għall-introduzzjoni tal-Low Cost Carriers f’Malta.
Il-Gvern jerġa’ jafferma li dak li qiegħed joffri huwa fl-interess ta’ l-industrija kollha u mhux ta’ xi wħud. Il-Gvern irid isaħħaħ dak li rnexxielna nibnu f’dawn l-aħħar erbgħin sena u mhux jipperikolah.
Fuq kollox ma jagħmilx sens li flok naraw il-ġid ta’ l-industrija tagħna, nagħtu iżjed każ ta’ xi talbiet li qegħdin isiru minn xi Low Cost Carrier, speċjalment fejn dawn it-talbiet jistgħu jikkaġunaw danni kbar għall-industrija tat-turiżmu f’pajjiżna.
Other Press Releases:
PR261957
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261956