IL-MINISTERU GĦALL-AFFARIJIET RURALI U L-AMBJENT JIRRISPONDI GĦALL-KUMMENTI TAL-KAP TA’ L-OPPOŻIZZJONI DWAR IL-LANDFILLS
Id-dubji u l-allegazzjonijiet tal-Kap ta’ l-Oppożizzjoni li “hemm xi ħaġa tinten” fil-kwistjoni tal-landfills,huma ntiżi biss biex inaqqsu mill-mertu tal-Gvern li bbaża d-deċiżjoni tiegħu fuq is-sit tal-landfill, fuq studji u pariri tekniċi li fuqhom kien hemm qbil unanimu bejn l-esperti.
Bħalma ntqal fix-xhur li għaddew, qabel ma tittieħed deċiżjoni finali dwar engineered landfills, il-Gvern ried jassigura li jkun analizza l-alternattivi kollha quddiemu.
Biex dan ikun żgurat, il-Gvern għamel it-testijiet kollha meħtieġa u dawn kienu analizzati f’laboratorji kemm f’Malta kif ukoll fl-Ingilterra; u wara kienu wkoll awditjati. Dawn it-testijiet kienu jinkludu wkoll it-tħaffir ta’ boreholes. Il-konklużjonijiet ta’ l-istudji li saru, u li wrew li l-blat fl-Għallies mhux ta’ kwalita’ tajba, kienu wkoll maqbula unanimament mill-Bord tal-Minerali tal-MEPA.
Jidher ċar li l-Kap ta’ l-Oppożizzjoni ma joqgħodx fuq il-parir ta’ l-esperti u qed jippretendi li hu biss jaf kollox. Jidher ċar ukoll li t-tattika tal-Kap ta’ l-Oppożizzjoni hi li jipprova joħloq id-dubji.
Other Press Releases:
PR261938en
PRESS RELEASE BY THE MINISTRY FOR EQUALITY AND CIVIL RIGHTS Malta records o...
PR261938