IS-SEGRETARJU PARLAMENTARI EDWIN VASSALLO JINDIRIZZA LAQGHA GHALL-IMPORTATURI: SORVELJANZA STRETTA FUQ IS-SUQ LOKALI
L-eżerċizzju ta’ sorveljanza fis-suq qed jiffunzjona. It-‘trend’ fl-importazzjoni qed tistabbilizza ruhha u l-prodotti manifatturati f’Malta li huma prodotti ta’ kwalita’, baqgħu fost il-favoriti għall-konsumaturi.
Sa’ issa qed ikunu nnotati dawn l-issues:
1. Qed ikun allegat li d-Dwana qed topera bi proċeduri li l-importaturi qed isostnu li f’pajjiżi oħra m’humiex jintużaw.
2. L-importazzjonitat-tiġieġ tidher li għad trid tonqos u ta’ min jinnota li l-iżjed li ġew importati huma ‘drum sticks’. F’dan is-settur, jidher li l-importazzjoni mhux qed tissodisfa d-domanda. Hawn jidher li kemm-il darba ser ikollna l-impjanti Maltin tal-qtil tat-tiġieġ magħluqa, allura jista’ jkollna nuqqas ta’ provvista ta’ tiġieġ.
3. Dwar l-importazzjoni tal-laħam, hawn diffikulta’ bin-nuqqas t’għarfien ta’ meta ser toħroġ il-kwota li jmiss. Jidher ukoll li setgħa nbiegħ lejn l-Italja, laħam li kien importat f’Malta qabel l-ewwel ta’ Mejju. Infatti hawn min jikkummenta li minkejja l-abbundanza ta’ importazzjoni li kien hawn qabel l-ewwel ta’ Mejju, issa għandna nuqqas ta xi laħam. Hawn tajjeb li nsemmu wkoll li l-produzzjoni tal-laħam lokali għadu fost l-iżjed imfittex. Qed ninnotaw ukoll li l-manifatturi u l-importaturi, qed jimportaw ukoll laħam minn pajjiżi fl-Unjoni Ewropea, u għalkemm il-prezz huwa għola mill-prodott mixtri minn pajjizi terzi, pero’ l-kwalita’ hija wkoll tajba ħafna.
4. Dwar l-importazzjoni ta’ l-għaġin, irriżulta li għandna ma’ l-20 kwalita’ differenti ta’ għaġin importat, iżda l-għażla qed issir mill-konsumatur u l-għaġin immanifatturat Malta qed jerġa’ jkun parti mill-għażla tal-konsumatur Malti. Rapport negattiv li rċevejna f’dan ir-rigward huwa li xi stabbilimenti ta’ l-ikel qed jgħidu lill-konsumaturi/klienti tagħhom, diskors negattiv fil-konfront ta’ l-għaġin Malti, u dan għaliex mhux qed joffru l-prodott Malti għall-bejgħ. Dan l-atteġjament huwa kundannabbli u jekk ikun hemm min jirraporta aġir bhal dan b’mod uffiċċjali, jista’ jkun hemm lok li jittieħdu passi legali.
5. Dwar l-importazzjoni ta’ l-inbid, jidher li l-prezz ta’ l-inbid importat mhuwiex dak il-prezz li kien mistenni li jkun. Raguni ghal dan tista’ tkun li t-talba ghall-ħlas tal-VAT fuq l-importazzjoni ta’ l-inbid wasslet biex ikun hemm ostakli ghar-rohs mistenni fil-prezz ta’ dan il-prodott fis-suq. Dan huwa punt ghal diskussjoni u r-raġuni ta’ verament x’qed jiġri f’dan is-settur, wieħed għad irid jaraha. Hawn tajjeb li nsemmu wkoll li l-manifattura lokali ta’ l-inbid, li hija wkoll involuta fl-importazzjoni ta’ nbid minn barra, għadha waħda mill-iżjed preferuta fl-għażla ta’ l-inbid ta’ kwalita’, filwaqt li l-inbid importat huwa aktar attrajenti minħabba l-prezz.
6. Dwar l-importazzjonita’ prodotti tat-tadam u kunserva, hawn l-impressjoni li l-prodott Malti ser jibqa’ jżomm il-pożizzjoni tiegħu bħala prodott ta’ kwalita’ immanifatturat f’pajjiżna. Id-Dipartiment tas-Saħħa għamel u ser jibqa’ jagħmel eżamijiet ta’ analiżi għal lead contentli jista’ jkollhom prodotti bbottiljati fil-landa. Ma jistax ikun li jkollna fuq l-ixkafef tal-ħwienet tagħna, prodotti li jkunu manifatturatii għal pajjizi terzi, minkejja li huma manifatturati fl-Italja. Mhux kull m’hu maghmul fl-Italja jew pajjiżi oħra ta’ l-Unjoni Ewropea, jista’ jkun tajjeb biex jinxtara għas-suq lokali. Hawn ukoll jidher li l-prodott Malti qed ikun ukoll leading product fl-għażla tal-konsumatur Malti.
7. Dwar l-importazzjoni ta’ prodotti tal-ħalib, il-kummenti li qed jaslulna iktar jikkonċernaw in-nuqqas ta’ provvistata’ rikotta lill-ħwienet mill-kumpanija Malta Dairy Products (tal-‘Benna’), iżda hawn ukoll jidher li t-talba għall-ħalib frisk qed tiffavorixxi l-prodott Malti tal-MDP (‘Benna’).
8. Il-Border Inspection Post bdiet topera ftit tal-ġranet ilu. Dwar dan il-punt, wieħed għad irid ikompli janalizza l-effiċjenza li ser tkun qed taħdem biha l-border inspection post.
9. Ma’ dawn il-punti kollha, l-iktar feedback li qed nirċievu jikkonċernaw il-proċeduri tad-Dwana u dawk il-proċeduri li qed jirregolaw l-importazzjoni ta’ prodotti ta’ l-ikel. Il-fatti huma dawk li huma. Iżda wieħed irid jifhem li r-regolamentazzjoni burokratika fuq il-prodotti ta’ l-ikel hija prova ta’ kemm il-proċeduri miftiehma mas-settur aġrikolu u dak agro-industrijali qed ikunu effettivi.
Dawn huma l-kummenti li jiena qieghed ngħaddi kif irċevejthom, u għalkemm huma kummenti diskutibbli, xorta qegħdin nanalizzaw ir-realta’ tagħhom. L-impenn tal-Gvern huwa li nkomplu nissimplifikaw il-proċeduri burokratiċi. Sa issa jidher li naqsu ħafna mill-proċeduri burokratiċi tar-rilaxx tal-merkanzija mid-Dwana (releasing of goods from customs), iżda fis-settur ta’ l-importazzjoni ta’ l-ikel għad jidher li baqa’ proċeduri burokratiċi li jistgħu jiġu ssimplifikati. Għalhekk permezz ta’ din il-laqgħa ta’ llum irridu nkomplu niddiskutu flimkien il-proċeduri li qegħdin tiltaqgħu magħhom intom. Intom mistiedna wkoll li tgħaddu l-kummenti tagħkom fir-rigward ta’ dawn il-kummenti li għadni kemm qsamt magħkom.
Other Press Releases:
PR261939
STQARRIJA MILL-MINISTERU GĦAL GĦAWDEX ŻiguŻajg jirritorna Għawdex għat-tie...
PR261938en