Left arrow Go Back

Is-Segretarju Parlamentari Edwin Vassallo jitkellem ma’ sidien ta’ negozji zgĦar dwar il-Budget 2003

PR1673
Date Icon 29/11/2002

“Dan huwa Budget li ser iżid il-kummerċ għaliex iżid il-flus fl-idejn minn kull qasam tal-ħajja. Dan huwa ta’ vantaġġ għas-self employed u n-negozji żgħar u kull min qiegħed fil-kummerċ. Dan huwa wkoll Budget li rega’ qed inaqqas il-burokrazija b’diversi inizjattivi. F’kull inizjattiva li ttieħdet fil-Budget, wieħed jista’ jara li l-Gvern qed jgħin u jiffaċilita l-ħidma tan-negozjanti li jkollu negozju aktar profittabbli f’ċirkustanzi fejn il-volum tal-kummerċ huwa mistenni li jiżdied".

Dawn kienu l-kummenti tas-Segretarju Parlamentari Edwin Vassallo meta kien qed jitkellem ma’ sidien ta’ negozji żgħar. Huwa irrefera għal dak li qal il-Ministru tal-Finanzi John Dalli fid-diskors tal-Budget meta l-Ministru stess stqarr li:

"Se nieħdu miżuri li għandhom ikunu ta’ fejda għal ħafna u li għandhom jistimulaw aktar l-ekonomija tagħna ." – Budget 2003

Permezz ta’ l-inizjattivi li qed jippromwovi dan il-Budget, huwa mistenni li l-kummerċ jiżdied filwaqt li l-imprenditur ikun mgħejjun jaħdem fl-aħjar ambjent biex ikun aktar effiċjenti u sostenibbli.

Il-Budget jagħti d-direzzjoni għall-ħolqien ta’ aktar ġid permezz tat-tkattir ta’ kummerċ. Il-liberalizazzjoni tal-kummerċ filwaqt li toħloq aktar kompetizzjoni fost in-negozju, fl-istess ħin ukoll iżżid l-ammont ta’ kummerċ f’pajjiżna. Minn Jannar sa Settembru ta’ din is-sena meta mqabbel ma’ l-istess perjodu tas-sena li ghaddiet (2001) l-importazzjoni ta’ oġġetti għall-konsum żdied bi 13.2 miljun lira.

Xhieda wkoll li kiber l-ottimiżmu fin-negozju hija li aktar individwi ddeċidew li jidħlu fin-negozju. In-numru ta’ liċenzji tan-negozju żdied u dan ukoll huwa riżultat ta’ ħidma ta’ effiċjenza u tnaqqis ta’ burokrazija fil-proċess tal-ħruġ tal-liċenzji tan-negozju.

L-għażla ta’ politika favur is-sħubija fl-Unjoni Ewropea, għenet biex f’pajjiżna jkollna bidliet favur kull min jinnegozja u dan biex ma jkunx inqas minn negozjanti simili f’pajjiżi li diġa' huma msieħba fl-Unjoni Ewropea.

Dan il-Budget għas-self employed għandu jkun meqjus bħala Budget li jgħin biex il-poplu jkollu minn fejn jonfoq aktar. Għalhekk in-negozju huwa previst li jiżdied għaliex pajjiżna huwa kapaċi jkattar il-ġid li joħloq. F’dan il-Budget sibna li l-Prodott Gross Domestiku jew aħjar il-"cake nazzjonali" din is-sena żdied bi 2.8 % f’termini reali.

Permezz ta’ dan il-Budget, qed jiġi previst illi filwaqt li l-konsum pubbliku ser jiżdied b’1.4%, iż-żjieda fil-konsum mis-settur privat hija mistennija li tikber bi 2.1%. Huwa wkoll mistenni li l-investiment jiżdied b’4.6%, filwaqt li l-importazzjoni għandha tiżdied b’5.3%, u l-esportazzjoni tiżdied b’5.4% .

Dan ser iwassal biex il-Prodott Gross Domestiku f’termini nominali jkun mistenni jilħaq Lm1.808 biljun, li huwa 5.5 % aktar mis-sena li għaddiet.

Is-Segretarju Parlamentari Vassallo qal li dan kollu jfisser żieda ta’ flus fl-idejn, żieda fl-infieq, żieda fil-kummerċ flimkien ma’ ambjent kummerċjali akbar u aħjar, fejn l-imprenditur jista’ jaħdem. Dan huma awgurju tajjeb għal kull min qiegħed fin-negozju.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI  Malta Miegħek: Jiżdiedu l-għotjiet għat-tagħlim tal-mużika fil-każini tal-banda u għall-għaqdiet volontarji li jaħdmu fost iż-żgħażagħ

PR261930

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI T...

More Press Releases Right arrow