Left arrow Go Back

STQARRIJA MILL-MINISTERU GĦAL GĦAWDEX Proċeduri ta’ ksur dwar id-deroga għar-riċerka dwar l-għasafar tal-għana

PR261965
Date Icon 19/11/2026

Il-Kummissjoni Ewropea llum ħarġet Opinjoni Motivata lil Malta dwar id-deroga għar-riċerka relatata mas-seba’ speċi ta’ għasafar tal-għana selvaġġi.

 

Wara s-sentenza mogħtija mill-Qorti tal-Ġustizzja tal-Unjoni Ewropea fid-19 ta’ Settembru 2024 fil-Kawża C‑23/23, il-Gvern introduċa għadd ta’ emendi leġiżlattivi bil-għan li jindirizza l-konklużjonijiet tal-Qorti. Dawn l-emendi inkludew ġustifikazzjonijiet ulterjuri għalfejn ma hemm ebda soluzzjoni oħra sodisfaċenti.

 

Minkejja dawn l-isforzi, il-Kummissjoni kompliet bil-proċedura ta’ ksur mibdija fil-21 ta’ Novembru 2025 u issa ħarġet Opinjoni Motivata, li fiha qiegħda tqajjem tħassib dwar jekk id-deroga, skont il-qafas leġiżlattiv rivedut, hijiex ġenwinament intiża għal skop ta’ riċerka.

 

Il-Gvern Malti jieħu nota ta’ din l-Opinjoni Motivata u jibqa’ impenjat li jkompli bid-djalogu kostruttiv mal-Kummissjoni Ewropea. Il-Gvern issa għandu xahrejn sabiex iwieġeb għall-Opinjoni Motivata.

 

Il-Gvern ta’ Malta jibqa’ determinat li jiddefendi d-deroga għar-riċerka, filwaqt li jiżgura konformità sħiħa mad-dritt tal-Unjoni Ewropea u jħares l-identità kulturali u t-tradizzjonijiet tal-poplu Malti u Għawdxi.

 

 


Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION FOR THE GRAND HARBOUR  Malta with a strong voice in international climate change negotiations

PR261966en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

STQARRIJA MILL-MINISTERU GĦALL-ENERĠIJA, L-AMBJENT, U R-RIĠENERAZZJONI GĦALL-PORT IL-KBIR  Malta b’vuċi b’saħħitha fin-negozjati internazzjonali dwar it-tibdil fil-klima

PR261966

STQARRIJA MILL-MINISTERU GĦALL-ENERĠIJA, L-AMBJENT, U R-RIĠENERAZZJONI GĦAL...

More Press Releases Right arrow