Left arrow Go Back

STQARRIJA MILL-MINISTERU GĦAL GĦAWDEX ŻiguŻajg jirritorna Għawdex għat-tielet darba bil-produzzjoni ‘What’s Missing’ għall-istudenti

PR261939
Date Icon 17/11/2026

Il-Festival ŻiguŻajg jirritorna Għawdex għat-tielet darba bil-produzzjoni teatrali ‘What’s Missing’, li se tittella’ għall-istudenti fl-Iskola Primarja tar-Rabat għal sitt darbiet. Il-prestazzjoni hija parti mill-programm għall-iskejjel tas-16-il edizzjoni tal-Festival Internazzjonali tal-Arti għat-Tfal u ż-Żgħażagħ. Il-Ministru għal Għawdex Clint Camilleri u d-Direttur Artistiku tal-Festival ta’ ŻiguŻajg Marta Vella żaru l-provi biex isegwu t-tħejjijiet tal-produzzjoni qabel ma tittella’ għall-istudenti.

 

Il-Ministru għal Għawdex Clint Camilleri qal li, “Ir-ritorn ta’ ŻiguŻajg f’Għawdex għat-tielet darba huwa pass ieħor biex inwessgħu l-aċċess għall-arti u l-kultura fost it-tfal u ż-żgħażagħ Għawdxin. Meta nwasslu produzzjoni bħal ‘What’s Missing’ fl-iskejjel, inkunu qed nagħtu lill-istudenti l-opportunità li jesperjenzaw it-teatru flimkien ma’ sħabhom, fil-komunità tagħhom stess.”

 

Id-Direttur Artistiku tal-Festival ta’ ŻiguŻajg, Marta Vella qalet li, “Il-programm għall-iskejjel huwa parti essenzjali mill-festival. Meta nżuru skola bi produzzjoni bħal ‘What’s Missing’, inkunu qed noħolqu spazju fejn it-tfal jistgħu jiskopru t-teatru, jużaw l-immaġinazzjoni tagħhom u jitkellmu bejniethom dwar dak li jkunu raw. Huwa ta’ pjaċir għalina li ŻiguŻajg ikun preżent f’lokalitajiet differenti fosthom fir-Rabat, Għawdex.”

 

Il-Festival ŻiguŻajg huwa prodott minn Fondazzjoni Kreattività u l-Ministeru għall-Arti, il-Kultura u l-Wirt Nazzjonali, b’kollaborazzjoni ma’ Spazju Kreattiv, il-Ministeru għal Għawdex, il-Kunsill Malti għall-Arti u l-Valletta Design Cluster, u bi sħab ma’ Malta Public Transport u Inkontru.

 

Il-programm sħiħ tal-festival jinsab fuq www.ziguzajg.

STQARRIJA MILL-MINISTERU GĦAL GĦAWDEX  ŻiguŻajg jirritorna Għawdex għat-tielet darba bil-produzzjoni ‘What’s Missing’ għall-istudenti
STQARRIJA MILL-MINISTERU GĦAL GĦAWDEX  ŻiguŻajg jirritorna Għawdex għat-tielet darba bil-produzzjoni ‘What’s Missing’ għall-istudenti
STQARRIJA MILL-MINISTERU GĦAL GĦAWDEX  ŻiguŻajg jirritorna Għawdex għat-tielet darba bil-produzzjoni ‘What’s Missing’ għall-istudenti
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AKKOMODAZZJONI U L-ARTIJIET  Żjara fuq il-lant ta’ proġett ta’ 55 unit residenzjali ġdid f’Ħaż-Żebbuġ għal familji vulnerabbli

PR261940

STQARRIJA MILL-MINISTERU GĦALL-AKKOMODAZZJONI U L-ARTIJIET Żjara fuq il-la...

PRESS RELEASE BY THE MINISTRY FOR EQUALITY AND CIVIL RIGHTS Malta records one of the strongest improvements in gender equality in the EU

PR261938en

PRESS RELEASE BY THE MINISTRY FOR EQUALITY AND CIVIL RIGHTS Malta records o...

More Press Releases Right arrow