Left arrow Go Back

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR Jittella’ t-tieni summit internazzjonali INNEXA biex jitrawmu sħubijiet ġodda fl-innovazzjoni

PR261937
Date Icon 17/11/2026

Il-Ministru għall-Fondi Ewropej, id-Djalogu Soċjali u l-Protezzjoni tal-Konsumatur Keith Azzopardi Tanti indirizza t-tieni edizzjoni tas-Summit Internazzjonali INNEXA, li laqqa’ f’Malta parteċipanti minn pajjiżi u setturi differenti biex jesploraw opportunitajiet ta’ kollaborazzjoni fl-innovazzjoni, fir-riċerka u fl-iżvilupp tan-negozju.

 

Fid-diskors tiegħu, il-ministru saħaq fuq ir-rwol tal-fondi Ewropej fit-tisħiħ tal-kompetittività ta’ Malta u fl-iżvilupp tal-ħiliet. Semma kif programmi bħal Horizon Europe u Erasmus+ jgħinu lin-negozji, lill-istituzzjonijiet akkademiċi u lil organizzazzjonijiet oħra jaqsmu l-għarfien, jibnu sħubijiet internazzjonali u jiżviluppaw soluzzjonijiet għal sfidi komuni. Fost dawn semma t-trasformazzjoni diġitali, l-intelliġenza artifiċjali u t-tranżizzjoni ekoloġika.

 

“Il-fondi Ewropej huma mezz biex l-ideat jissarrfu f’riżultati konkreti, biex insaħħu l-ekonomija tagħna u ntejbu l-kwalità tal-ħajja fil-komunitajiet tagħna,” saħaq il-Ministru Azzopardi Tanti. Huwa enfasizza l-importanza li n-negozji żgħar u medji jkollhom sehem f’dawn is-sħubijiet flimkien mal-universitajiet, l-istituzzjonijiet tar-riċerka, l-awtoritajiet pubbliċi u s-soċjetà ċivili.

 

Huwa ħeġġeġ lill-parteċipanti internazzjonali biex jikkunsidraw lil pajjiżna bħala sieħeb strateġiku għal kollaborazzjonijiet futuri fil-qasam tar-riċerka u l-innovazzjoni

 

Nicola Vita, il-President ta’ INNEXA, wera s-sodisfazzjon tiegħu li dan is-Summit Internazzjonali tal-INNEXA sar f’Malta. “Is-summit jagħti lill-membri tal-komunità tagħna l-opportunità li jiżviluppaw proġetti konġunti ta’ innovazzjoni ma’ msieħba internazzjonali. Billi jgħaqqdu l-għarfien fil-qasam tar-riċerka mal-esperjenza fl-industrija, il-membri jistgħu jittestjaw soluzzjonijiet ġodda u jintroduċuhom fis-suq,” kompla Vita. Huwa żied jgħid ukoll kif permezz ta’ INNEXA, il-membri jistgħu jfittxu finanzjament Ewropew għall-proġetti, jibnu sħubijiet fit-tul, kif ukoll jespandu fi swieq ġodda, kemm fl-Unjoni Ewropea u anke lil hinn minnha.

 

Il-programm tas-summit, mifrux fuq jumejn, inkluda sessjonijiet ta’ ħidma konġunta, laqgħat bejn in-negozji u preżentazzjonijiet ta’ proġetti. Dawn taw lill-parteċipanti l-opportunità li jidentifikaw interessi komuni u jesploraw kif jistgħu jaħdmu flimkien. Il-programm jinkludi wkoll diskussjonijiet dwar sħubijiet lil hinn mill-Ewropa, fosthom mal-Arabja Sawdija.

 

Il-ministru rringrazzja lil INNEXA, lill-Kamra tal-Kummerċ Taljana-Maltija, lil Across Limits u lit-3CL Foundation talli laqqgħu flimkien lil din il-komunità internazzjonali.

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR Jittella’ t-tieni summit internazzjonali INNEXA biex jitrawmu sħubijiet ġodda fl-innovazzjoni
STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR Jittella’ t-tieni summit internazzjonali INNEXA biex jitrawmu sħubijiet ġodda fl-innovazzjoni
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR EQUALITY AND CIVIL RIGHTS Malta records one of the strongest improvements in gender equality in the EU

PR261938en

PRESS RELEASE BY THE MINISTRY FOR EQUALITY AND CIVIL RIGHTS Malta records o...

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Malta tirreġistra wieħed mill-akbar avvanzi fl-ugwaljanza bejn il-ġeneri fl-UE

PR261938

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Malta tirre...

More Press Releases Right arrow