Left arrow Go Back

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI

pr240634
Date Icon 20/04/2024

Fl-aħħar xhur il-Gvern għalaq numru ta' ftehimiet kolletivi ma' numru ta' unjins u li jkopru eluf ta' ħaddiema, inkluż fis-settur edukattiv, u bħal ma kienx xħiħ mal-ebda settur, żgur mhux se jkun xħiħ mal-edukaturi. Anzi, illum qed ipoġġi fuq il-mejda offerti li huma ferm aħjar minn l-aħħar ftehim, li kien wieħed storiku. 

L-Oppożizzjoni, bl-iskop li tfixkel għall-għanijiet populisti tagħha, tibqa' l-uniku parti iżolata u ma tirrikonoxxix id-diskussjonijiet maturi li għaddejjin dwar ftehim kollettiv ġdid.

Anki l-unjin li qed tirrappreżenta l-ħaddiema, l-MUT, tirrikonoxxi l-progress li sar fid-diskussjonijiet u l-Gvern iqis ir-rappreżentanti tal-edukaturi bħala sieħeb importanti u strateġiku biex tkompli għaddejja l-ħidma li kompliet tiżviluppa b'mod pożittiv fl-aħħar ġimgħat għall-ġid tal-edukaturi u s-settur edukattiv.

Fl-MCAST, filwaqt li l-Gvern jirrispetta l-awtonomija tal-Kulleġġ, kien pro-attiv u permezz tal-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni qed jintervjeni u jagħti l-għajnuna meħtieġa fid-diskussjonijiet biex anki f'dan il-kulleġġ, kull edukatur ikollu l-aqwa kundizzjonijiet li jaħdem fihom.

Il-Gvern mhux biss impenjat li jsaħħaħ l-investiment fl-infrastruttura edukattiva għal ambjent isbaħ fl-iskejjel kif rajna fl-aħħar xhur iżda prinċipju ewlieni tiegħu jibqa' li kif diġà għamel fi ftehim riċenti li laħaq għall-ewwel darba għall-Istitut għall-Edukazzjoni, l-edukaturi kollha jkollhom pakkett finanzjarju xieraq, sostenibbli u b'titjib fil-kundizzjonijiet tal-professjoni tagħhom.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI  Malta Miegħek: Jiżdiedu l-għotjiet għat-tagħlim tal-mużika fil-każini tal-banda u għall-għaqdiet volontarji li jaħdmu fost iż-żgħażagħ

PR261930

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI T...

More Press Releases Right arrow