Left arrow Go Back

STQARRIJA MIS-SEGRETARJAT PARLAMENTARI GĦALL-GVERN LOKALI Skema sabiex titrawwem aktar imħabba għall-qari fost it-tfal

pr240627
Date Icon 19/04/2024

Għaxar kunsilli lokali, li jiffurmaw parti mir-Reġjun Punent, se jibbenefikaw minn skema li għandha l-għan li tippromwovi u tqajjem kuxjenza dwar l-importanza tal-qari fost it-tfal. F'konferenza tal-aħbarijiet, fl-okkażjoni tal-Jum Dinji tal-Ktieb 2024, ġie spjegat li din l-iskema se tgħin biex jitħejjew programmi interattivi fejn f'kull lokalità, flimkien ma' xi għaqdiet u skejjel primarji, jittellgħu attivitajiet bħal puppet shows, makkjetti b'forma ta' forum theatre, laqgħat ma' awturi u inizjattivi edukattivi oħra li kollha jwasslu messaġġ pożittiv favur il-ktieb.

Is-Segretarju Parlamentari għall-Gvern Lokali, Alison Zerafa Civelli, laqgħet b'sodisfazzjon din l-inizjattiva li se tqajjem iżjed kuxjenza u għarfien fost it-tfal dwar il-qari. Qalet li l-qari għandu jkun rutina ta' kuljum fost it-tfal u għalhekk għandu jsir dak kollu meħtieġ sabiex titrawwem iżjed imħabba għal ktieb.

“Ilkoll nafu kemm hu importanti u bżonjuż il-qari, kemm sabiex wieħed itejjeb il-ħiliet fil-letteratura u anke sabiex it-tfal iżidu l-għarfien dwar suġġetti varji. Bħala gvern se nkomplu nkunu spalla mar-reġjuni u l-kunsilli lokali sabiex ikomplu jieħdu inizjattivi bħal dawn," temmet tgħid is-Segretarju Parlamentari Zerafa Civelli.

Il-President tar-Reġjun Punent, Sandro Azzopardi, qal li l-għan ta' din l-inizjattiva hu li bħala reġjun jissaħħaħ l-aspett edukattiv fost it-tfal residenti fil-lokalitajiet rispettivi. Spjega li minkejja li diġà hemm libreriji pubbliċi għad-dispożizzjoni tal-pubbliku, dawn se jissaħħu b'iżjed għarfien sabiex eventwalment dawn il-libreriji jintużaw iżjed.

Intant, il-lokalitajiet li se jibbenefikaw minn dawn l-iskema huma Ħaż-Żebbuġ, is-Siġġiewi, Ħal Kirkop, l-Imqabba, il-Qrendi, Ħal Safi, iż-Żurrieq, ir-Rabat, l-Imdina u Ħad-Dingli.

STQARRIJA MIS-SEGRETARJAT PARLAMENTARI GĦALL-GVERN LOKALI Skema sabiex titrawwem aktar imħabba għall-qari fost it-tfal
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI  Malta Miegħek: Jiżdiedu l-għotjiet għat-tagħlim tal-mużika fil-każini tal-banda u għall-għaqdiet volontarji li jaħdmu fost iż-żgħażagħ

PR261930

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI T...

More Press Releases Right arrow