Left arrow Go Back

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Inwettqu Flimkien: Għar-raba’ sena se jingħata internet b’xejn lill-istudenti li komplew immedjatament wara Year 11 l-istudji postsekondarji tagħhom

pr240624
Date Icon 19/04/2024

B'investiment ta' €1,000,000, madwar 3,200 student u studenta se jgawdu minn internet b'xejn għal sena. Din il-miżura se jgawdu minnha l-istudenti li huma eliġibbli għal stipendju, u komplew jistudjaw immedjatament wara Year 11 (Form 5), fil-livell postsekondarji fi skejjel tal-gvern, dawk indipendenti u tal-Knisja, u dawk vokazzjonali fl-MCAST u l-ITS.

Dawn id-dettalji tħabbru f'konferenza tal-aħbarijiet mill-Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni Clifton Grima.

L-għajnuna se tingħata f'forma ta' vawċers ta' €300 li se jibdew jitqassmu fl-aħħar ġimgħa ta' Mejju 2024, u jkunu jistgħu jissarrfu sa nhar is-Sibt, 31 ta' Awwissu 2024. Wara din id-data l-vawċers ma jibqgħux validi.

Il-Ministru Clifton Grima qal li din hija r-raba' sena li qed tkun implimentata din il-miżura, biex b'hekk s'issa sar investiment ta' €4 miljun li gawdew minnu 'l fuq minn 6,000 student u studenta. “Din il-miżura, flimkien ma' inizjattivi oħrajn, hija konferma oħra tal-impenn li għandu dan il-gvern biex jinkoraġġixxi l-istudenti jkomplu għaddejjin bl-istudji tagħhom wara l-edukazzjoni obbligatorja," tenna l-Ministru Grima.

L-istudenti se jirċievu link biex jindikaw il-fornitur ta' servizzi tal-internet (Internet Service Provider) tal-għażla tagħhom. Wara, lejn l-aħħar ta' Mejju, se jirċievu l-vawċer ta' €300 għal internet b'xejn permezz ta' email, li se jkunu jistgħu jsarrfuh għand wieħed mit-tliet fornituri ta' servizzi tal-internet fil-gżejjer Maltin (Epic, GO u Melita) u għalhekk ikunu jistgħu jixtru servizz tal-internet għal 12-il xahar. Kull student jista' jagħżel kwalunkwe skema tal-internet offruta għal dan il-valur tal-vawċer. Il-vawċer tal-internet b'xejn jista' jintuża biex jiġi ttoppjat kont attiv tal-Internet li l-istudent diġà għandu.

Għal dan il-għan, il-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni qed iġedded il-ftehim mat-tliet fornituri tas-servizzi tal-internet biex jieħdu parti f'din l-inizjattiva u joffru l-aħjar pakkett ta' internet on-the-go lill-istudenti.

Iżjed informazzjoni dwar din l-inizjattiva tista' tinkiseb billi l-istudenti jċemplu fuq 153 jew jibagħtu email fuq internetvouchers.meyr@gov.mt.

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Inwettqu Flimkien: Għar-raba’ sena se jingħata internet b’xejn lill-istudenti li komplew immedjatament wara Year 11 l-istudji postsekondarji tagħhom
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Inwettqu Flimkien: Għar-raba’ sena se jingħata internet b’xejn lill-istudenti li komplew immedjatament wara Year 11 l-istudji postsekondarji tagħhom
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI  Malta Miegħek: Jiżdiedu l-għotjiet għat-tagħlim tal-mużika fil-każini tal-banda u għall-għaqdiet volontarji li jaħdmu fost iż-żgħażagħ

PR261930

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI T...

More Press Releases Right arrow