STQARRIJA MILL-MINISTERU GĦAT-TURIŻMU U L-INDAFA PUBBLIKA L-Isle of MTV Malta 2024 jirritorna nhar it-Tlieta 16 ta’ Lulju
Nhar it-Tlieta 16 ta' Lulju 2024 jirritorna l-Isle of MTV fuq il-Fosos tal-Furjana. L-edizzjoni ta' din is-sena se tkun qiegħda tara artisti li jinkludu l-kantanta ta' fama mondjali RAYE u DJ Franċiż u produttur mużikali internazzjonali DJ Snake. Fil-ġimgħat li ġejjin ser jitħabbru iżjed artisti internazzjonali u lokali li ser ikunu parti mill-ispettaklu ta' dan l-avveniment tant popolari mat-turisti u l-Maltin matul is-sajf.
Dawn id-dettalji tħabbru f'konferenza tal-aħbarijiet indirizzata mill-Ministru għat-Turiżmu u l-Indafa Pubblika Clayton Bartolo fil-preżenza tal-Kap Eżekuttiv tal-Awtorità Maltija għat-Turiżmu Carlo Micallef u Russell Samuel f'isem il-kumpanija Paramount, l-organizzaturi ta' dan l-avveniment mużikali.
Il-Ministru Clayton Bartolo rrimarka kif dan l-avveniment huwa ta' għajnuna kbira biex pajjiżna jkompli jsaħħaħ l-offerta turistika tiegħu matul ix-xhur tas-sajf. “Il-fatt li sena wara oħra pajjiżna jkompli jassoċja ma' brand b'saħħitha bħal MTV tikkonferma l-impenn tagħna li nkomplu ntejbu l-kwalità fil-prodott turistiku li noffru matul il-perjodu imsemmi. Apparti l-avveniment mużikali, ir-reklamar ta' VisitMalta fuq dan l-istazzjon mondjali ser ikun ta' importanza biex intejbu l-viżibilità ta' pajjiżna mad-dinja kollha," irrimarka l-Ministru Clayton Bartolo.
Stqarrijiet Oħra:
PR261930en
PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...
PR261930