Left arrow Mur Lura

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Aktar studenti se jibbenefikaw mill-istipendju supplimentari

pr240316
Date Icon 27/02/2024


Waqt żjara li l-Ministru Clifton Grima għamel fil-Kulleġġ Malti għall-Arti, ix-Xjenza u t-Teknoloġija, fejn anke ltaqa’ mal-istudenti u sema’ dak li kellhom xi jgħidu dwar l-andament tas-sena edukattiva tagħhom, huwa ħabbar li se jitwessgħu l-means testing bands biex aktar studenti jkunu eliġibbli għal stipendju supplimentari.

Permezz ta’ din il-miżura elettorali se titwessa’ l-eliġibilità għal din l-għotja addizzjonali biex jintlaħqu aktar studenti li jkunu ġejjin minn familji bi dħul baxx. Se jkun hemm kunsiderazzjoni wkoll għan-numru ta’ studenti fil-familja, li jkunu għaddejjin bl-istudju tagħhom.

Minn din il-miżura li tapplika mis-sena akkademika preżenti se jibbenefikaw għall-ewwel darba aktar minn 300 student. L-aġġustamenti huma konsiderevoli b’żidiet fil-faxex li jvarjaw minn €2,550 għal €3,200. 

“Qed inkomplu nikkonfermaw li dan il-Gvern iwettaq dak li jwiegħed u nikkonfermaw ukoll ir-ruħ soċjali li għandu dan il-Gvern. L-għan tagħna huwa li nkomplu nibnu sistema li tgħin aħjar lill-istudenti f’kull livell soċjali, anki b’appoġġ finanzjarju, għaliex irridu verament li nkunu ġusti ma’ kulħadd. F’mument importanti fl-istadju tal-istudju tagħhom, qed naraw li kulħadd ikun f’pożizzjoni li jilħaq l-aspirazzjonijiet kollha tiegħu,” temm jgħid il-Ministru Grima.

Waqt iż-żjara l-Ministru Grima kien akkumpanjat mill-Prinċipal u Kap Eżekuttiv tal-MCAST il-Professur James Joachim Calleja.

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Aktar studenti se jibbenefikaw mill-istipendju supplimentari
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Aktar studenti se jibbenefikaw mill-istipendju supplimentari
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦAL GĦAWDEX  Inawgurata Auberge du Chocolat, kunċett ġdid minn Savina Artisan Centre li jgħaqqad l-arti taċ-ċikkulata mal-esperjenza gastronomika Għawdxija

PR261933

STQARRIJA MILL-MINISTERU GĦAL GĦAWDEX Inawgurata Auberge du Chocolat, kunċ...

STQARRIJA MILL-MINISTERU GĦALL-GVERN LOKALI U X-XOGĦLIJIET PUBBLIĊI Kważi nofs miljun ewro f’10 proġetti ta’ playing fields u spazji ta’ rikreazzjoni f’Malta u Għawdex

PR261932

STQARRIJA MILL-MINISTERU GĦALL-GVERN LOKALI U X-XOGĦLIJIET PUBBLIĊI Kważi n...

Aktar Stqarrijiet Right arrow