Left arrow Go Back

STQARRIJA MILL-MINISTERU GĦALL-EKONOMIJA, IL-FONDI EWROPEJ U L-ARTIJIET Inwettqu Flimkien: Summer School u Summer Camp b’tema teknoloġika għas-sajf li ġej

pr230587
Date Icon 24/04/2023

Matul is-sajf li ġej se jiġu organizzati Summer School u Summer Camp fejn l-istudenti se jkunu qegħdin jitgħallmu b’mod interattiv prinċipji importanti fit-teknoloġija innovattiva. Dan ħabbru l-Ministru għall-Ekonomija, Fondi Ewropej u Artijiet Silvio Schembri.

Is-Summer School, bl-isem ta’ “Future Innovators”, se tinżamm fl-MCAST f’Raħal Ġdid bejn Lulju u Settembru, għall-istudenti ta’ bejn it-13 u l-15-il sena. Fost oħrajn se tgħin lill-istudenti fl-abbiltajiet tagħhom kreattivi fejn jidħlu intelliġenza artifiċjali u innovazzjoni diġitali u se jitgħallmu fost oħrajn fuq coding, blockchain, metaverse, 3D printing u cybersecurity.

Is-Summer Camp, xPloring Intelligence – a Bootcamp on Us and Tech, se jinżamm fil-Fakultà tal-ICT fl-Università ta’ Malta, bejn il-11 u l-15 ta’ Settembru, għall-istudenti ta’ bejn is-7 sena u d-9 sena skolastika. Dan is-Summer Camp se jkun immirat biex iħajjar lill-istudenti jagħżlu suġġetti relatati mat-teknoloġija. 

Illum ġie mniedi wkoll comic li se jitqassam lill-istudenti kollha mid-9 sal-11-il sena skolastika u li għandhom suġġetti ta’ Computing jew VET IT, fl-iskejjel Maltin u Għawdxin kollha. 

Il-Ministru għall-Ekonomija, Fondi Ewropej u Artijiet Silvio Schembri rringrazzja lit-tliet entitajiet fi ħdan il-Ministeru; l-MDIA, Tech.mt u eSkills li ħadmu flimkien fuq dawn l-inizjattivi, kif ukoll lill-MCAST u l-Università ta’ Malta. “Dan huwa l-mod li nwettqu flimkien għal ġid ta’ pajjiżna u ta’ uliedna. Nafu li t-teknoloġija u d-dinja diġitali huma l-futur u b’dawn l-inizjattivi qed inrawwmu l-passjoni għal dawn ix-xjenzi f’uliedna,” qal il-Ministru Schembri.

Il-Ministru Schembri għamel referenza wkoll għal-liġi fl-assi finanzjarji virtwali (blockchain, crypto currency) magħrufa bħala MiCA li fl-aħħar ġranet ġiet addottata mill-Unjoni Ewropea. “F’dan il-qasam Malta kienet l-ewwel ġurisdizzjoni li għamlet qafas regolatorju fuq l-assi virtwali. Ħafna dak iż-żmien ma fehmux l-importanza ta’ din il-liġi, imma llum pajjiżna huwa mudell ta’ kif din il-liġi titħaddem fil-prattika. Illum għandna sitt snin vantaġġ fuq pajjiżi oħra, li jagħmilna leaders fil-qasam,” qal il-Ministru Silvio Schembri. 

Il-Kap Eżekuttiv ta’ MDIA Kenneth Brincat qal li: “It-teknoloġija innovattiva qiegħda tbiddel il-mod kif naħdmu u noperaw u l-interess tal-MDIA hu li t-teknoloġija tiġi adottata b’mod sigur għall-benefiċċju tas-soċjetà. Biex dan jitwettaq irridu nibdew minn età bikrija. Bħala MDIA nemmnu li permezz ta’ kollaborazzjoni nistgħu nsibu modi ġodda kif it-tfal u żgħażagħ jitrawwmu fl-użu tat-teknoloġija innovattiva b’mod sigur,” qal is-Sur Brincat.

Aktar informazzjoni fuq dawn l-inizjattivi tista’ tinkiseb minn: 

https://www.mdia.gov.mt/schemes/future-innovators-summer-school/

https://www.mdia.gov.mt/schemes/exploring-intelligence-bootcamp/.

Ritratti: DOI/MEFL

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION Malta hosts the second INNEXA International Summit to foster new innovation partnerships

PR261937en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR Jittella’ t-tieni summit internazzjonali INNEXA biex jitrawmu sħubijiet ġodda fl-innovazzjoni

PR261937

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZ...

More Press Releases Right arrow