Left arrow Go Back

STQARRIJA MIS-SEGRETARJAT PARLAMENTARI GĦAD-DJALOGU SOĊJALI Inwettqu Flimkien: L-impatt tad-diġitalizzazzjoni fuq il-ħaddiema diskuss waqt seminar li indirizza l-futur tax-xogħol f’Malta

pr230585
Date Icon 24/04/2023

Waqt seminar organizzat mis-Segretarjat Parlamentari għad-Djalogu Soċjali bit-titlu ‘Il-Futur tax-Xogħol: Illum u Għada’ ġew diskussi żewġ temi importanti. Dawn kienu l-impatt tad-diġitalizzazzjoni fuq il-ħaddiema u l-importanza li jkompli t-tisħiħ fil-ħaddiema permezz tat-taħriġ. 

Fid-diskors tiegħu, is-Segretarju Parlamentari għad-Djalogu Soċjali Andy Ellul tkellem dwar l-importanza ta’ din id-diskussjoni miftuħa sabiex jisimgħu x’għandhom xi jgħidu l-esperti fuq suġġett daqshekk importanti tax-xogħol. 

“Ix-xogħol mhux biss jagħti dinjità lill-bniedem, iżda flimkien mal-edukazzjoni, l-esperjenza u t-taħriġ huwa ċ-ċavetta għall-mobbiltà soċjali. Seminars bħal dawn tal-lum huma utli ħafna għaliex bis-saħħa tagħhom ikun hemm koordinazzjoni b’saħħitha bejn l-imsieħba soċjali u l-Gvern u b’hekk inkunu qegħdin nassiguraw dejjem aktar li l-futur tax-xogħol ikun wieħed ekwu u sostenibbli għall-ħaddiema kollha,” qal is-Segretarju Parlamentari. 

Fir-rigward tad-diġitalizzazzjoni, is-Segretarju Parlamentari rrikonoxxa l-progress mgħaġġel li qiegħed isir u stqarr li sabiex ħadd ma jaqa’ lura, il-Gvern kommess li jkompli jsaħħaħ il-kunċett li għandu jibqa’ jiġi offrut taħriġ kontinwu biex persuna tibqa’ taġġorna ruħha. Filwaqt li faħħar il-progress diġitali li qed isir, huwa fakkar ukoll fuq l-importanza tal-isnajja u li l-Gvern ikompli jinvesti fihom.

Is-Segretarju Parlamentari stqarr ukoll li l-Gvern se jkompli jsaħħaħ id-drittijiet tal-ħaddiema u għamel referenza għal xi wħud mill-iżjed miżuri kruċjali li daħlu s-sena l-oħra bħad-dħul tal-leave tal-paternità li qed jiġi mħallas b’mod sħiħ, ix-xahrejn leave tal-ġenituri mħallsa, u anki l-ħamest ijiem leave tal-carers, li għal dawk li jaħdmu fis-settur pubbliku, ġurnata minnhom hija mħallsa. Huwa żied jgħid li l-Gvern se jibqa’ jindirizza r-realtajiet ġodda tas-suq tax-xogħol bħal ma għamel għall-ħaddiema tal-pjattaforma diġitali. 

Dr Ellul għamel referenza wkoll għar-riforma fit-Temping Agencies fejn qal li l-Kumitat Interministerjali u t-tim legali għaddejjin b’ħidma kontinwa fejn qed jiltaqgħu mal-partijiet interessati kollha sabiex din ir-riforma tkun waħda b’saħħitha, b’miżuri konkreti u effettivi. 

Dan is-seminar kien jinkludi żewġ panels. L-ewwel panel kien dwar l-impatt tad-diġitalizzazzjoni fuq id-dinja tax-xogħol u l-ħaddiema, li indirizzawh is-Sa Diane Vella Muscat, Dr Christine Calleja, Prof. Alexei Dingli, u s-Sa Claudine Sciberras, filwaqt li t-tieni panel kien dwar kif nistgħu nsaħħu l-ħaddiema tagħna, fejn tkellmu s-Sur James Pearsall, il-Perit David Xuereb, is-Sa Ingrid Azzopardi, Dr Jeffery Pullicino Orlando u s-Sur Martin Borg.

STQARRIJA MIS-SEGRETARJAT PARLAMENTARI GĦAD-DJALOGU SOĊJALI Inwettqu Flimkien: L-impatt tad-diġitalizzazzjoni fuq il-ħaddiema diskuss waqt seminar li indirizza l-futur tax-xogħol f’Malta
STQARRIJA MIS-SEGRETARJAT PARLAMENTARI GĦAD-DJALOGU SOĊJALI Inwettqu Flimkien: L-impatt tad-diġitalizzazzjoni fuq il-ħaddiema diskuss waqt seminar li indirizza l-futur tax-xogħol f’Malta
STQARRIJA MIS-SEGRETARJAT PARLAMENTARI GĦAD-DJALOGU SOĊJALI Inwettqu Flimkien: L-impatt tad-diġitalizzazzjoni fuq il-ħaddiema diskuss waqt seminar li indirizza l-futur tax-xogħol f’Malta
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION Malta hosts the second INNEXA International Summit to foster new innovation partnerships

PR261937en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR Jittella’ t-tieni summit internazzjonali INNEXA biex jitrawmu sħubijiet ġodda fl-innovazzjoni

PR261937

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZ...

More Press Releases Right arrow