Left arrow Go Back

STQARRIJA MIS-SEGRETARJAT PARLAMENTARI GĦALL-GVERN LOKALI Konferenza informattiva għall-kunsilli lokali dwar il-proġett tal-Kummissjoni Ewropea ‘Building Europe with Local Councillors’

PR230584
Date Icon 24/04/2023

Is-Segretarju Parlamentari għall-Gvern Lokali Alison Zerafa Civelli indirizzat konferenza immirata għall-membri eletti tal-kunsilli lokali rigward il-proġett tal-Kummissjoni Ewropea 'Building Europe with Local Councillors' (BELC). Dan il-proġett joffri opportunità ta' affiljazzjoni għall-politiċi Ewropej eletti fuq bażi lokali, bil-għan li tinħoloq alleanza b'saħħitha bejn l-istrutturi tal-Unjoni Ewropea u l-gvernijiet lokali.

Fid-diskors tagħha, is-Segretarju Parlamentari qalet li l-alleanza bejn sindki u kunsilliera Maltin u Għawdxin ma' dawk Ewropej tista' tkun għodda addizzjonali u b'saħħitha għat-titjib fl-effettività fit-tmexxija tal-kunsilli lokali.

“Meta nibnu relazzjonijiet ma' stati membri Ewropej inkunu qed inħeġġu l-possibilità li naqsmu l-għarfien sabiex flimkien insibu soluzzjonijiet li jindirizzaw sfidi komuni, filwaqt li nippromwovu kollaborazzjonijiet u ideat madwar muniċipalitajiet u lokalitajiet Ewropej differenti," saħqet is-Segretarju Parlamentari Zerafa Civelli.

Din il-konferenza kienet indirizzata wkoll mid-Deputat Direttur tal-Kummissjoni Ewropea responsabbli min-networks ta' komunikazzjoni fl-istati membri, Alessandro Giordani, fejn ta preżentazzjoni li trattat l-importanza tal-alleanza bejn il-politiċi tal-gvernijiet lokali Ewropej.

Waqt din il-konferenza saret ukoll preżentazzjoni miċ-Ċentru tad-Dokumentazzjoni Ewropew u mit-tliet Ċentri Europe Direct f'Malta u Għawdex li jieħdu ħsieb il-komunikazzjoni maċ-ċittadini dwar l-Unjoni Ewropea.

Preżenti għal din il-konferenza kien hemm diversi sindki u kunsilliera tal-kunsilli lokali u presidenti tal-kunsilli reġjonali.

STQARRIJA MIS-SEGRETARJAT PARLAMENTARI GĦALL-GVERN LOKALI Konferenza informattiva għall-kunsilli lokali dwar il-proġett tal-Kummissjoni Ewropea ‘Building Europe with Local Councillors’
STQARRIJA MIS-SEGRETARJAT PARLAMENTARI GĦALL-GVERN LOKALI Konferenza informattiva għall-kunsilli lokali dwar il-proġett tal-Kummissjoni Ewropea ‘Building Europe with Local Councillors’
STQARRIJA MIS-SEGRETARJAT PARLAMENTARI GĦALL-GVERN LOKALI Konferenza informattiva għall-kunsilli lokali dwar il-proġett tal-Kummissjoni Ewropea ‘Building Europe with Local Councillors’
STQARRIJA MIS-SEGRETARJAT PARLAMENTARI GĦALL-GVERN LOKALI Konferenza informattiva għall-kunsilli lokali dwar il-proġett tal-Kummissjoni Ewropea ‘Building Europe with Local Councillors’
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION Malta hosts the second INNEXA International Summit to foster new innovation partnerships

PR261937en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR Jittella’ t-tieni summit internazzjonali INNEXA biex jitrawmu sħubijiet ġodda fl-innovazzjoni

PR261937

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZ...

More Press Releases Right arrow