Left arrow Go Back

STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR U MIS-SEGRETARJAT PARLAMENTARI GĦALL-FONDI EWROPEJ: Inawgurat il-proġett ta’ restawr tal-Mitħna tal-Għaqba fin-Naxxar

pr230581
Date Icon 23/04/2023

Ir-residenti tan-Naxxar jistgħu jgawdu mill-ġdid il-Mitħna tal-Għaqba wara li ġiet irrestawrata għall-istat oriġinali tagħha hekk kif inbniet aktar minn 300 sena ilu.

L-inawgurazzjoni saret mill-Kunsill Lokali tan-Naxxar u għaliha kienu preżenti l-Ministru għax-Xogħlijiet Pubbliċi u l-Ippjanar Stefan Zrinzo Azzopardi u s-Segretarju Parlamentari għall-Fondi Ewropej Chris Bonett.

Il-Ministru Stefan Zrinzo Azzopardi spjega li l-Awtorità tal-Ippjanar iffinanzjat ’il fuq minn €400,000 mill-Fond għall-Ippjanar tal-Iżvilupp (DPF) sabiex sar restawr sħiħ tal-makkinarju tal-mitħna, u r-rikostruzzjoni u l-installazzjoni ta’ rdieden ġodda.

“Il-konservazzjoni tal-wirt kulturali Malti hija missjoni tagħna lkoll, għalhekk inħares ’il quddiem għal aktar proġetti simili biex inkomplu nġeddu l-impenn ta’ dan il-gvern favur il-preservazzjoni tal-wirt kulturali u ambjentali, u l-użu għaqli u strutturat ta’ fondi pubbliċi u Ewropej,” qal il-Ministru Zrinzo Azzopardi.

Is-Segretarju Parlamentari Chris Bonett qal li l-proġett sar b’investiment ta’ €678,000 mill-Fond Ewropew għall-Iżvilupp Reġjonali. “B’dan il-proġett, il-lokalità tan-Naxxar irnexxielha tirrestawra din il-mitħna li issa reġgħet ġiet fil-glorja tagħha u ser isservi ta’ attrazzjoni kemm għall-Maltin kif ukoll għat-turisti hekk kif huwa stmat li se jkun hawn mat-3,900 viżitatur fis-sena li jżur il-mitħna,” qal Dr Bonett.

Is-Sindku tan-Naxxar, Anne Marie Muscat Fenech Adami, qalet li permezz ta’ dan il-proġett, il-mitħna reġgħet ġiet irrestawrata għall-istat oriġinali tagħha. Il-proġett iħares ukoll aspett kulturali fejn parti mill-binja se sservi wkoll ta’ ċentru kulturali fil-komunità u attrazzjoni turistika.

Ix-xogħol fuq din il-mitħna sewa madwar €1.5 miljun bejn fondi tal-Awtorità tal-Ippjanar, skemi għall-kunsilli lokali u fondi Ewropej.

STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR U MIS-SEGRETARJAT PARLAMENTARI GĦALL-FONDI EWROPEJ: Inawgurat il-proġett ta’ restawr tal-Mitħna tal-Għaqba fin-Naxxar
STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR U MIS-SEGRETARJAT PARLAMENTARI GĦALL-FONDI EWROPEJ: Inawgurat il-proġett ta’ restawr tal-Mitħna tal-Għaqba fin-Naxxar
STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR U MIS-SEGRETARJAT PARLAMENTARI GĦALL-FONDI EWROPEJ: Inawgurat il-proġett ta’ restawr tal-Mitħna tal-Għaqba fin-Naxxar
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION Malta hosts the second INNEXA International Summit to foster new innovation partnerships

PR261937en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR Jittella’ t-tieni summit internazzjonali INNEXA biex jitrawmu sħubijiet ġodda fl-innovazzjoni

PR261937

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZ...

More Press Releases Right arrow