Left arrow Go Back

STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL U MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI: Aktar investiment fi programmi edukattivi u ta’ prevenzjoni fl-iskejjel

pr230579
Date Icon 23/04/2023

Aġenzija Sedqa, fi ħdan il-Fondazzjoni għal Servizzi ta’ Ħarsien Soċjali, kompliet tmexxi ’l quddiem diversi kampanji edukattivi fl-iskejjel postsekondarji. Waħda minn dawn il-kampanji saret fil-Higher Secondary Giovanni Curmi fin-Naxxar, li matulha kien hemm diversi attivitajiet b’messaġġi edukattivi, fosthom dwar il-kontroll tal-istress kif ukoll għarfien dwar l-alkoħol u l-kannabis.

Waqt żjara, il-Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni Clifton Grima u l-Ministru għall-Politika Soċjali u d-Drittijiet tat-Tfal Michael Falzon raw kif isiru dawn l-eżerċizzji biex tingħata informazzjoni korretta dwar l-effetti u l-liġijiet dwar dawn is-sustanzi. 

Il-gvern huwa kommess li jkompli jinvesti fil-qasam tal-prevenzjoni u harm reduction. Il-kollaborazzjoni ta’ Aġenzija Sedqa twassal biex ikun hemm aktar koerenza ħalli l-programmi preventivi jkunu effettivi u li jindirizzaw ir-realtajiet tas-soċjetà tal-lum.

Il-Ministru Clifton Grima qal, “L-edukazzjoni li nagħtu lil uliedna għandha tkun edukazzjoni sħiħa. Edukazzjoni li tkun waħda li tgħallem il-kurrikulu imma li tkun ukoll waħda li tħares lil hinn mill-kurrikulu biex intellgħu ġenerazzjoni li tkun responsabbli, billi nagħtuha wkoll tagħrif dwar il-ħajja. L-edukazzjoni għalhekk ma tħarisx biss lejn l-informazzjoni, il-mixja lejn il-bank tax-xogħol, imma wkoll li tinforma u teduka dwar ir-responsabbiltajiet ta’ kull student bħala individwu li huwa parti minn soċjetà.” 

Il-Ministru Michael Falzon qal li l-gvern se jkompli jinvesti fi programmi edukattivi u preventivi biex titwassal informazzjoni fattwali u anke konsegwenzi ta' ċerti abbużi li jistgħu jħallu detriment fit-tul.

Id-Dipartiment tal-Edukazzjoni flimkien mal-Fondazzjoni għal Servizzi ta’ Ħarsien Soċjali ħadmu wkoll biex jitfassal programm ħalli l-istudenti jingħataw l-opportunità jiddiskutu suġġetti varji ta’ interess u jtejbu l-ħiliet personali tagħhom. Dan qed isir f’oqsma li huma importanti għall-futur ta’ kull student u studenta. Żewġ programmi li qed iħeġġu aktar interess fost iż-żgħażagħ huma ‘Teen outside the Box’ u STOP, li jwasslu għarfien dwar użu għaqli ta’ mezzi soċjali u għajnuna dwar cyber bullying, fost l-oħrajn.

STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL U MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI: Aktar investiment fi programmi edukattivi u ta’ prevenzjoni fl-iskejjel
STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL U MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI: Aktar investiment fi programmi edukattivi u ta’ prevenzjoni fl-iskejjel
STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL U MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI: Aktar investiment fi programmi edukattivi u ta’ prevenzjoni fl-iskejjel
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION Malta hosts the second INNEXA International Summit to foster new innovation partnerships

PR261937en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR Jittella’ t-tieni summit internazzjonali INNEXA biex jitrawmu sħubijiet ġodda fl-innovazzjoni

PR261937

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZ...

More Press Releases Right arrow