Left arrow Go Back

STQARRIJA MILL-UFFIĊĊJU TAL-PRIM MINISTRU Aktar persuni b’diżabbiltà fis-suq tax-xogħol b’titjib fil-kwalità tal-ħajja tagħhom

PR230572
Date Icon 21/04/2023

Il-Prim Ministru Robert Abela sostna li l-ġid mit-tkabbir ekonomiku irid ikompli jasal għand kulħadd billi jinħolqu opportunitajiet wiesgħa biex tkompli tissaħħaħ il-qagħda tal-ħaddiema. Dr Abela saħaq dan fi żjara fil-fergħa tal-MaltaPost fix-Xewkija, fejn iltaqa' ma' aktar ħaddiema fosthom dawk b'diżabbiltà, li jammontaw għal iżjed minn tliet kwarti tal-ħaddiema li jaħdmu f'din il-fergħa postali.

B'mod partikolari l-Prim Ministru segwa x-xogħol ta' dawn il-persuni f'fergħa li toffri diversi servizzi fosthom stampar u scanning ta' dokumenti lil intrapriżi kbar u klijenti individwali. Innota kif aktar persuni b'diżabbiltà qed jikkontribwixxu fl-ekonomija billi jkunu parteċipi fis-suq tax-xogħol u l-aħħar statistika uffiċjali għax-xahar li għadda wriet ukoll li n-numru ta' persuni b'diżabbiltà jirreġistraw għax-xogħol reġa' naqas.

Il-Prim Ministru Robert Abela rrimarka fuq l-impenn tal-Gvern li jkompli jinċentiva lil min iħaddem biex aktar persuni b'diżabbiltà mhux biss jaħdmu iżda saħansitra jtejbu l-ħiliet. Hawn innota l-ambjent offrut f'din il-fergħa postali f'Għawdex u l-kollaborazzjoni mħaddna ma' JobsPlus u l-Fondazzjoni Lino Spiteri.

Il-Prim Ministru Abela sostna li rridu nibqgħu nemmnu fil-kapaċitajiet ta' kulħadd u nsaħħu programmi bħal dak INK, li qed ikompli joħloq numru ta' opportunitajiet ta' taħriġ u xogħol għall-persuni b'diżabbiltà. “L-impjieg għall-persuni b'diżabbiltà ma jfissirx biss titjib fil-kwalità tal-ħajja li tibqa' punt importanti fit-tħaddin tal-politika soċjali tagħna iżda ix-xogħol jfisser ukoll dinjità", saħaq il-Prim Ministru Robert Abela. F'dan il-kuntest spjega li l-Gvern se jibqa' jassisti u jinċentiva lil min iħaddem biex jimpjega persuni b'diżabbiltà.

Min-naħa tagħha, it-tmexxija tal-MaltaPost qalet li l-faċilità fix-Xewkija tissodisfa r-rekwiżiti regolatorji u leġiżlattivi biex tipprovdi l-faċilitajiet neċċessarji ta' aċċessibbiltà fuq il-post tax-xogħol u hija kburija bil-fatt li t-tim li jamministra l-faċilità qed jaħdem b'qalbu kollha biex jara li dan il-proġett jibqa' għaddej b'mod effiċjenti. Jakkumpanjaw lill-Prim Ministru fiż-żjara kien hemm il-Ministru għall-Inklużjoni, il-Volontarjat u d-Drittijiet tal-Konsumatur Julia Farrugia Portelli u l-Ministru għal Għawdex Clint Camilleri.

STQARRIJA MILL-UFFIĊĊJU TAL-PRIM MINISTRU Aktar persuni b’diżabbiltà fis-suq tax-xogħol b’titjib fil-kwalità tal-ħajja tagħhom
STQARRIJA MILL-UFFIĊĊJU TAL-PRIM MINISTRU Aktar persuni b’diżabbiltà fis-suq tax-xogħol b’titjib fil-kwalità tal-ħajja tagħhom
STQARRIJA MILL-UFFIĊĊJU TAL-PRIM MINISTRU Aktar persuni b’diżabbiltà fis-suq tax-xogħol b’titjib fil-kwalità tal-ħajja tagħhom
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION Malta hosts the second INNEXA International Summit to foster new innovation partnerships

PR261937en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR Jittella’ t-tieni summit internazzjonali INNEXA biex jitrawmu sħubijiet ġodda fl-innovazzjoni

PR261937

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZ...

More Press Releases Right arrow