Left arrow Go Back

STQARRIJA MILL-MINISTERU GĦAT-TURIŻMU U S-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Inwettqu Flimkien: Youth Hub ġdid fl-Istitut għall-Istudji Turistiċi

pr230549
Date Icon 18/04/2023

Fl-Istitut għall-Istudji Turistiċi (ITS) tlesta proġett konġunt mal-Aġenzija Żgħażagħ li qed jintroduċi Youth Hub ġdid. Dan ser ikun spazju ta’ rikreazzjoni bil-għan li jkun ta’ servizz għall-istudenti tal-istess istitut, li ser joffri tagħlim informali kif ukoll għajnuna liż-żgħażagħ biex ikomplu jissaħħu fil-ħiliet personali tagħhom.

F’dan il-Youth Hub ser jibda jkun hemm ħaddiema ta’ Aġenzija Żgħażagħ li ser ikunu għad-dispożizzjoni tal-istudenti kull nhar ta’ Tlieta u Ħamis. 

Dawn id-dettalji tħabbru waqt l-inawgurazzjoni tal-istess Youth Hub mill-Ministru għat-Turiżmu Clayton Bartolo u s-Segretarju Parlamentari għaż-Żgħażagħ, ir-Riċerka u l-Innovazzjoni Keith Azzopardi Tanti. 

Il-Ministru Clayton Bartolo saħaq kif fid-dinja mgħaġġla li ngħixu fiha llum huwa kruċjali li jinżamm bilanċ bejn ir-rutina impenjattiva u l-ħin ta’ kwalità tal-persuna. “Nawgura li dan l-ispazju innovattiv iservi ta’ għajnuna għall-istudenti li għandna fl-ITS biex ikomplu jissaħħu fil-ħiliet edukattivi ta’ ġewwa u barra l-klassi. Dan il-Youth Hub huwa proġett ieħor, fost diversi inizjattivi oħrajn, li permezz tagħhom iwasslu sabiex minn studenti għada jkollna ambaxxaturi li joffru servizz professjonali fl-ispettru kollu tal-industrija tal-ospitalità lokali,” tenna l-Ministru Bartolo.  

Is-Segretarju Parlamentari Keith Azzopardi Tanti qal li permezz ta’ dan il-proġett qed titwettaq wegħda oħra elettorali. “Aħna nifhmu li fid-dinja mgħaġġla tal-lum is-soċjalizzazzjoni fost iż-żgħażagħ naqset ħafna. Għaldaqstant, qed nippruvaw nerġgħu nibnu l-komunikazzjoni fost iż-żgħażagħ billi niftħu spazji ġodda, bħal dan il-Youth Hub, fejn iż-żgħażagħ jistgħu jiltaqgħu, jiddiskutu u jaqsmu l-interessi ta’ xulxin,” temm jgħid is-Segretarju Parlamentari.

STQARRIJA MILL-MINISTERU GĦAT-TURIŻMU U S-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Inwettqu Flimkien: Youth Hub ġdid fl-Istitut għall-Istudji Turistiċi
STQARRIJA MILL-MINISTERU GĦAT-TURIŻMU U S-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Inwettqu Flimkien: Youth Hub ġdid fl-Istitut għall-Istudji Turistiċi
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR EQUALITY AND CIVIL RIGHTS Malta records one of the strongest improvements in gender equality in the EU

PR261938en

PRESS RELEASE BY THE MINISTRY FOR EQUALITY AND CIVIL RIGHTS Malta records o...

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Malta tirreġistra wieħed mill-akbar avvanzi fl-ugwaljanza bejn il-ġeneri fl-UE

PR261938

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Malta tirre...

More Press Releases Right arrow