Left arrow Mur Lura

STQARRIJA MILL-MINISTERU GĦAT-TURIŻMU Inwettqu Flimkien: Tirritorna n-Nickelodeon Treasure Hunt bejn is-27 u t-28 ta’ Mejju li ġej

PR230516
Date Icon 12/04/2023

Għat-tielet darba ser tkun qiegħda tirritorna f'pajjiżna l-attività Nickelodeon Treasure Hunt, bejn is-27 u 28 ta' Mejju li ġej. Dan l-avveniment, mifrux fuq jumejn, se jkun qiegħed jara l-Belt Valletta tinbidel f'festival għall-familji li jinvolvi karattri ta' animazzjoni popolari mat-tfal li jinkludu SpongeBob SquarePants, PAW Patrol, Transformers u Baby Shark.

L-attrazzjonijiet ta' Nickelodeon Treasure Hunt se jkunu fit-Triq ir-Repubblika, Pjazza Teatru Rjal, Pjazza La Valette u Pjazza Tritoni. Il-programm ta' attivitajiet ser jinkludi wkoll logħob f'għamla ta' treasure hunt għall-familji u t-tfal f'attrazzjonijiet turistiċi oħrajn li jinkludu Għar Dalam, Ħaġar Qim, l-Imnajdra, il-Park Arkeoloġiku, il-Mużew Nazzjonali tal-Istorja Naturali u l-Katakombi ta' San Pawl.

Dawn id-dettalji tħabbru f'konferenza tal-aħbarijiet mill-Ministru għat-Turiżmu Clayton Bartolo fil-preżenza taċ-Chairman tal-Awtorità Maltija għat-Turiżmu Gavin Gulia.

Il-Ministru Bartolo saħaq kif in-niċċa tal-family tourism hija waħda li dejjem qiegħda tikber fil-prodott turistiku lokali. “Huwa importanti li nkomplu nsegwu r-rikjesti tat-turisti tal-lum. Għalhekk ninsabu impenjati li nsaħħu l-varjetà fl-avvenimenti li jiġu organizzati f'pajjiżna, fejn qed naraw li dawn it-tip ta' attivitajiet jimxu id f'id mal-viżjoni aħħarija li fis-snin li ġejjin negħlbu l-istaġjonalità min-narrativa turistika," tenna l-Ministru Clayton Bartolo.

Iċ-Chairman Gavin Gulia qal li l-Awtorità Maltija għat-Turiżmu tinsab impenjata li tkompli tassisti iżjed avvenimenti ta' din l-għamla biex pajjiżna verament iħaddan futur sostenibbli għaż-żmien li ġej.

STQARRIJA MILL-MINISTERU GĦAT-TURIŻMU Inwettqu Flimkien: Tirritorna n-Nickelodeon Treasure Hunt bejn is-27 u t-28 ta’ Mejju li ġej
STQARRIJA MILL-MINISTERU GĦAT-TURIŻMU Inwettqu Flimkien: Tirritorna n-Nickelodeon Treasure Hunt bejn is-27 u t-28 ta’ Mejju li ġej
STQARRIJA MILL-MINISTERU GĦAT-TURIŻMU Inwettqu Flimkien: Tirritorna n-Nickelodeon Treasure Hunt bejn is-27 u t-28 ta’ Mejju li ġej
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR EQUALITY AND CIVIL RIGHTS Malta records one of the strongest improvements in gender equality in the EU

PR261938en

PRESS RELEASE BY THE MINISTRY FOR EQUALITY AND CIVIL RIGHTS Malta records o...

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Malta tirreġistra wieħed mill-akbar avvanzi fl-ugwaljanza bejn il-ġeneri fl-UE

PR261938

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Malta tirre...

Aktar Stqarrijiet Right arrow