Left arrow Go Back

STQARRIJA MILL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI U S-SEGRETARJAT PARLAMENTARI GĦALL-FONDI EWROPEJ Inwettqu Flimkien: Aktar investiment fil-Biċċerija Pubblika

pr230498
Date Icon 06/04/2023

Tiżdied l-effiċjenza u l-profittabilità tar-raħħala Maltin u Għawdxin

Il-Ministru għall-Agrikoltura, is-Sajd u d-Drittijiet tal-Annimali Anton Refalo, flimkien mas-Segretarju Parlamentari għall-Fondi Ewropej Chris Bonett inawguraw impjant ġdid għat-tqattigħ, l-ispulpjar u l-ipproċessar tal-majjal fil-Biċċerija Pubblika.

L-impjant se jkun operat mill-Koperattiva ta’ Min Irabbi l-Majjali, li tiġbor fi ħdanha lir-raħħala kollha li jrabbu l-majjal fil-gżejjer Maltin

Il-Biċċerija Pubblika investiet madwar kwart ta’ miljun ewro f’impjant tal-ogħla livell, dan filwaqt li min-naħa tagħha, il-koperattiva investiet €360,000 f’tagħmir, ċelel ta’ refriġerazzjoni u investiment ieħor taħt proġett parzjalment iffinanzjat mill-Unjoni Ewropea.

“Is-settur tal-majjal, li jgħodd madwar 80% tal-laħam kollu mill-Biċċerija, huwa kruċjali għas-sigurtà tal-ikel f’Malta, u dan l-impjant se jgħin lil dan is-settur ikun iktar sostenibbli,” qal il-Ministru Refalo waqt li fakkar li dan huwa proġett ieħor li qed jikkontribwixxi għat-twettiq tal-miżura elettorali favur iktar investiment fil-Biċċerija intiż biex iżid l-effiċjenza u jtejjeb il-profittabilità tar-raħħala Maltin u Għawdxin. 

Is-Segretarju Parlamentari għall-Fondi Ewropej Chris Bonett qal li dan il-proġett qiegħed jiffoka fuq iż-żieda fil-valur ta’ prodott lokali, l-applikazzjoni ta’ metodi ġodda ta’ produzzjoni, u t-titjib tal-kwalità u l-preżentazzjoni tal-prodott. 

“L-impenn tagħna fis-sigurtà tal-ikel hu li parallel mal-istrateġija Ewropea, issir iktar reżiljenti fuq li tiggarantixxi d-disponibbiltà tal-ikel. Fl-aħħar ġimgħat ħabbarna l-Pjan Strateġiku tal-Politika Agrikola Komuni għal Malta 2023-2027 b’investiment ta’ €166 miljun li se jkompli jolqot b’mod pożittiv lir-raħħala u bdiewa Maltin u Għawdxin,” qal is-Segretarju Parlamentari Bonett.

L-impjant il-ġdid ta’ madwar 400 metru kwadru se jippermetti lill-Koperattiva ta’ Min Irabbi l-Majjali biex iżżid l-effiċjenza fit-tqattigħ u l-ispulpjar u b’hekk fil-produzzjoni ta’ qatgħat li jmorru għand il-proċessuri tal-laħam lokali.

Ġie spjegat li permezz ta’ dan l-investiment il-koperattiva se tkun qed iżżid il-kompetittività tal-majjal lokali hekk kif hija se tkun tista’ tagħti lill-proċessur jew lill-bejjiegħ tal-laħam prodott imqatta’ lest skont il-ħtiġijiet tiegħu, u hekk tgħinhom inaqqsu l-ispejjeż marbuta mal-ġarr tal-karkassi, mal-ħażna u anki mal-ipproċessar inizjali tagħhom waqt li jnaqqsu r-rimi. 

L-investiment jinkludi makkinarju ġdid li fost l-oħrajn se jippermetti t-tqattigħ u l-ippakkjar tal-laħam tal-majjal, kif ukoll, it-trattament tiegħu biex ma jixxottax waqt it-tisjir. L-impjant ġie ddisinjat b’mod li waqt li jissodisfa l-kriterji ta’ iġjene u s-separazzjoni neċessarja bejn prodott u ieħor, jintlaħaq il-bilanċ meħtieġ biex is-settur tal-majjal ikun iktar kompetittiv, u fl-istess ħin jippermetti l-aħjar użu ta’ riżorsi investiti.

Matul is-sena li għaddiet, il-Biċċerija Pubblika pproduċiet madwar 4,200 tunnellata ta’ laħam tal-majjal. 

Il-Ministru Refalo temm jgħid li, “Il-proġett ser ikompli jibni fuq numru ta’ inizjattivi li permezz tagħhom il-Gvern qed jgħin lis-settur jegħleb dawn l-isfidi u jbiddilhom f’opportunitajiet, fosthom l-għajnuna fuq il-ġwież kif ukoll għajnuna biex għall-ewwel darba raħħala Maltin ibbenefikaw mill-fondi Ewropej għall-Għajnuna għall-Ħażna Privata. Bħal ma għamel fl-aħħar snin, Gvern Laburista mhux se jieqaf ikun ta’ spalla għar-raħħala u bdiewa kollha.” 

STQARRIJA MILL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI U S-SEGRETARJAT PARLAMENTARI GĦALL-FONDI EWROPEJ Inwettqu Flimkien: Aktar investiment fil-Biċċerija Pubblika
STQARRIJA MILL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI U S-SEGRETARJAT PARLAMENTARI GĦALL-FONDI EWROPEJ Inwettqu Flimkien: Aktar investiment fil-Biċċerija Pubblika
STQARRIJA MILL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI U S-SEGRETARJAT PARLAMENTARI GĦALL-FONDI EWROPEJ Inwettqu Flimkien: Aktar investiment fil-Biċċerija Pubblika
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦAL GĦAWDEX  ŻiguŻajg jirritorna Għawdex għat-tielet darba bil-produzzjoni ‘What’s Missing’ għall-istudenti

PR261939

STQARRIJA MILL-MINISTERU GĦAL GĦAWDEX ŻiguŻajg jirritorna Għawdex għat-tie...

PRESS RELEASE BY THE MINISTRY FOR EQUALITY AND CIVIL RIGHTS Malta records one of the strongest improvements in gender equality in the EU

PR261938en

PRESS RELEASE BY THE MINISTRY FOR EQUALITY AND CIVIL RIGHTS Malta records o...

More Press Releases Right arrow