Left arrow Mur Lura

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Jitnieda l-ktejjeb ‘Diplomazija għat-Tfal’

pr230492
Date Icon 05/04/2023

Waqt attività fl-iskola medja San Nikola fir-Rabat, il-Ministru għall-Affarijiet Barranin u Ewropej u l-Kummerċ, Ian Borg, flimkien mal-Ambaxxatur ta’ Malta għall-Estonja u l-Filandja, Kenneth Vella, nieda l-ktejjeb Diplomazija għat-Tfal.

Matul din l-attività, inqraw siltiet minn dan il-ktejjeb li fih laqta ta’ storja, ġeografija u fatti interessanti oħra dwar l-ispettru diplomatiku. It-tfal setgħu jifhmu aħjar kif taħdem ambaxxata, l-irwol tal-ambaxxatur, x’inhi strateġija diplomatika, konsulat u ħafna aktar. Waqt li kien qed jieħu xi mistoqsijiet mingħand it-tfal, il-Ministru Ian Borg sostna li dan il-ktieb huwa wieħed tal-ewwel xorta tiegħu li qed jagħti ħarsa lejn id-dinja diplomatika mil-lenti tat-tfal. “Grazzi għall-Ambaxxatur Vella, għall-ewwel darba qed naraw li t-tfal qabel jagħżlu suġġetti li se jifformaw il-bażi tal-istudji tagħhom għas-snin li ġejjin, qed nuruhom x’toffri l-karriera ta’ diplomazija.”, kompla jgħid Dr Borg.

Il-Ministru Ian Borg tenna kif li tkun rappreżentant ta’ pajjiżek barra minn xtutna u anke tifforma l-politika barranija ta’ pajjiżek huwa ta’ unur u jemmen li għandna bżonn aktar żgħażagħ li jersqu lejn din il-karriera. Intqal kif bl-iżviluppi demokratiċi li rajna fl-aħħar snin, pereżempju bl-introduzzjoni tal-VOT16, iż-żgħażagħ qed ikollhom aktar sehem fl-iżviluppi tal-politika u b’hekk bħala gvern jemmen bi sħiħ li uliedna għandhom opportunità jkomplu jfasslu t-triq ’il quddiem għal pajjiżna.

Min-naħa tiegħu, l-Ambaxxatur Vella li huwa wkoll l-awtur ta’ dan il-ktejjeb irringrazzja lill-Ministru Borg u lis-Segretarju Permanenti Christopher Cutajar li emmnu minnufih f’din l-inizjattiva u tawh l-opportunità jinseġ flimkien iż-żewġ professjonijiet li jipprattika, dik edukattiva u dik diplomatika. Hu qal ukoll li dan il-ktieb jikkumplimenta anke temi diskussi f’suġġetti oħra u ħeġġeġ ukoll lit-tfal biex ma jaqtgħux qalbhom milli jibdew karriera fid-diplomazija u li jkunu b’hekk ta’ servizz għal pajjiżna. 

Dan il-ktieb jinkludi wkoll tagħrif dwar l-ittra tal-kredenzjali, kif twieldet id-diplomazija fid-dinja, l-Unjoni Ewropea u n-Nazzjonijiet Magħquda u informazzjoni oħra ta’ kurżità u interess bħal liema kienet l-ewwel ambaxxata li fetħet Malta barra minn xtutna, Napuljun Bonaparte u r-relazzjoni tiegħu ma’ Palazzo Parisio li jinsab il-Belt Valletta, l-ambaxxati ta’ pajjiżi barranin li hawn fostna u r-relazzjoni bejn Malta u pajjiżi oħra fl-Unjoni Ewropea.

Ritratti (MFET)

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Jitnieda l-ktejjeb ‘Diplomazija għat-Tfal’
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Jitnieda l-ktejjeb ‘Diplomazija għat-Tfal’
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Jitnieda l-ktejjeb ‘Diplomazija għat-Tfal’
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Jitnieda l-ktejjeb ‘Diplomazija għat-Tfal’
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦAL GĦAWDEX  ŻiguŻajg jirritorna Għawdex għat-tielet darba bil-produzzjoni ‘What’s Missing’ għall-istudenti

PR261939

STQARRIJA MILL-MINISTERU GĦAL GĦAWDEX ŻiguŻajg jirritorna Għawdex għat-tie...

PRESS RELEASE BY THE MINISTRY FOR EQUALITY AND CIVIL RIGHTS Malta records one of the strongest improvements in gender equality in the EU

PR261938en

PRESS RELEASE BY THE MINISTRY FOR EQUALITY AND CIVIL RIGHTS Malta records o...

Aktar Stqarrijiet Right arrow