Left arrow Go Back

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U L-MINISTERU GĦALL-POLITIKA SOĊJALI U D-DRITTIJIET TAT-TFAL Inwettqu Flimkien: Ikompli jissaħħaħ it-tagħlim għall-adulti

pr230482
Date Icon 03/04/2023

Permezz ta' ftehim li ġie ffirmat, saru sensiela ta' korsijiet fl-edukazzjoni finanzjarja, parti mit-tagħlim li jingħata fl-Edukazzjoni fit-Tul, mid-Direttorat għat-Tagħlim Tul il-Ħajja fi ħdan il-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni b'kollaborazzjoni ma' ĠEMMA, fi ħdan il-Ministeru għall-Politika Soċjali u d-Drittijiet tat-Tfal.

Il-Ministru Clifton Grima qal li l-ħidma li qed issir fit-Tagħlim tul il-Ħajja, magħruf bħala Lifelong Learning, qed tagħti l-frott tagħha. Fil-fatt, l-aħħar statistika maħruġa mill-Eurostat tindika li l-parteċipazzjoni ta' adulti f'dan it-tip ta' tagħlim qed jiżdied, tant li sal-aħħar tal-2021, Malta kellha rata ta' 13.8%, mqabbla mal-10.8%, li hija l-medja Ewropea. Din ir-rata hija l-ogħla waħda li qatt ġiet reġistrata għal pajjiżna. “L-edukazzjoni finanzjarja hija aspett importanti tal-edukazzjoni, kif ifformulat fid-dokument tal-Qafas tal-Kurrikulu Nazzjonali. Bħala gvern, aħna kommessi biex ngħinu lill-istudenti tagħna ta' kull età bl-aħjar mod li nistgħu u nipprovdulhom l-għodda meħtieġa biex ngħinuhom jiżviluppaw aktar il-ħiliet u l-kapaċitajiet tagħhom", qal il-Ministru Grima.

l-Ministru għall-Politika Soċjali u d-Drittijiet tat-Tfal Michael Falzon saħaq fuq l-importanza li dawn iż-żewġ ministeri jaħdmu id f'id. Il-Ministru Falzon tkellem kif l-għan aħħari huwa li permezz ta' kors bħal dan u inizjattivi oħra, tissaħħaħ il-ħajja tal-individwi fis-soċjetà tagħna. Il-Ministru Falzon qal li “Ġemma" huwa kunċett ta' investiment li jiffoka fuq il-kapaċità finanzjarja. Saħaq illi huwa essenzjali li wieħed jibqa' jitgħallem biex ma jaqax lura. “Irridu naħsbu fuq għada. Irridu nibqgħu naħdmu flimkien, għax b'hekk biss nistgħu nżidu l-kapaċità finanzjarja kemm fiż-żgħar u kemm fl-adulti", temm jgħid il-Ministru Michael Falzon".

Il-korsijiet huma riżultat ta' ftehim li ġie ffirmat bejn iż-żewġ naħat, li jkompli jsaħħaħ il-kollaborazzjoni tal-Ministeru għall-Edukazzjoni u ĠEMMA.

Dawn il-korsijiet, li bdew f'Ottubru li għadda, jittrattaw l-aspett finanzjarju minn kull angolu u huma importanti għal dawk kollha li jridu li jtejjbu l-qagħda tagħhom kemm personali kif ukoll il-prospetti tagħhom għall-futur. Dawn il-korsijiet huma wkoll riflessjoni tal-importanza li għandha l-edukazzjoni għall-adulti għaliex hija opportunità biex wieħed itejjeb l-istudju tiegħu u l-karriera tiegħu.

Din is-sensiela ta' tagħlim, magħrufa bħala 'Personal Finance – Managing your Money course' kienet mifruxa fuq 8 ġimgħat u kopriet suġġetti marbuta mal-aspett finanzjarju, minn kif wieħed ifassal budget, kif wieħed iġemma', kif wieħed jippjana l-infiq tiegħu, sa kif wieħed jifhem aspetti varji tad-dinja finanzjarja.

Wieħed jista' jikseb aktar informazzjoni billi jżur is-sit elettroniku: http://www.lifelonglearning.gov.mt, info@lifelonglearning.gov.mt jew billi jċempel fuq 153.

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U L-MINISTERU GĦALL-POLITIKA SOĊJALI U D-DRITTIJIET TAT-TFAL Inwettqu Flimkien: Ikompli jissaħħaħ it-tagħlim għall-adulti
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U L-MINISTERU GĦALL-POLITIKA SOĊJALI U D-DRITTIJIET TAT-TFAL Inwettqu Flimkien: Ikompli jissaħħaħ it-tagħlim għall-adulti
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U L-MINISTERU GĦALL-POLITIKA SOĊJALI U D-DRITTIJIET TAT-TFAL Inwettqu Flimkien: Ikompli jissaħħaħ it-tagħlim għall-adulti
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦAL GĦAWDEX  ŻiguŻajg jirritorna Għawdex għat-tielet darba bil-produzzjoni ‘What’s Missing’ għall-istudenti

PR261939

STQARRIJA MILL-MINISTERU GĦAL GĦAWDEX ŻiguŻajg jirritorna Għawdex għat-tie...

PRESS RELEASE BY THE MINISTRY FOR EQUALITY AND CIVIL RIGHTS Malta records one of the strongest improvements in gender equality in the EU

PR261938en

PRESS RELEASE BY THE MINISTRY FOR EQUALITY AND CIVIL RIGHTS Malta records o...

More Press Releases Right arrow