STQARRIJA MILL-MINISTERU GĦAT-TURIŻMU: Inwettqu Flimkien: 16,762 bed nights iġġenerati mit-turiżmu sportiv fl-ewwel tliet xhur tas-sena
It-turiżmu sportiv qed ikun mutur importanti biex l-attività turistika fil-gżejjer Maltin tibqa' sostenibbli matul is-sena kollha, speċjalment fix-xhur xitwin. Dawn ir-riżultati pożittivi huma marbutin ma' reklamar b'saħħtu li qed jissarraf f'żieda inkoraġġanti fejn jidħlu bed nights f'pajjiżna.
L-għajnuna diretta tal-Awtorità Maltija għat-Turiżmu permezz ta' VisitMalta lil numri ta' dixxiplini sportivi fissret li bejn Jannar u Marzu ta' din is-sena diġà ġew iġġenerati 'l fuq minn 16,762 bed night.
| Avveniment sportiv | Xahar | Bed nights |
| Manchester United Women's Team | Jannar 2023 | 550 |
| Malta Football Association's Women Tournament | Frar 2023 | 1,600 |
| TipSport Malta Cup 2023 | Jannar 2023 | 5,000 |
| La Valette Marathon 2023 | Frar 2023 | 5,612 |
| Snooker European Championships | Marzu 2023 | 4,000 |
Il-prospetti għax-xhur li ġejjin jibqgħu pożittivi tant li f'Ġunju li ġej Malta mistennija tospita l-IPF World Classic Open Championship, liema avveniment sportiv waħdu mistenni jiġġenera 'l fuq minn 10,000 bed night fuq sebat ijiem.
Dawn id-dettalji tħabbru f'konferenza tal-aħbarijiet indirizzata mill-Ministru għat-Turiżmu Clayton Bartolo u mill-Kap Eżekuttiv tal-Awtorità Maltija għat-Turiżmu Carlo Micallef.
Il-Ministru Clayton Bartolo qal li beda proċess li permezz tiegħu l-prodott turistiku Malti jiġi diversifikat biex ikun attraenti għall-esiġenzi tal-viżitaturi tal-lum il-ġurnata. “Jekk inħarsu lejn l-ewwel riżultati ta' Jannar għal din is-sena rajna l-akbar wasla ta' turisti li qatt kellna fl-istess xahar. Rajna żieda wkoll fin-nefqa ġenerali li qabżet is-17% meta kkumparat mal-2019," kompla jgħid il-Ministru Bartolo.
Il-Kap Eżekuttiv Carlo Micallef qal li f'dawn l-aħħar snin tfasslet strateġija mmirata biex inżidu t-turiżmu fix-xhur tax-xitwa billi jiġu offruti motivazzjonijiet li bihom jiġi attirat turiżmu ġdid lejn pajjiżna. “Dawn l-inizjattivi kollha kkontribwew sabiex irnexxielna nattiraw turiżmu addizzjonali li ġġenera eluf ta' bed nights u dħul addizzjonali fi żmien tas-sena meta l-industrija l-iżjed li jkollha bżonn," temm jgħid is-Sur Micallef.
Stqarrijiet Oħra:
PR261939
STQARRIJA MILL-MINISTERU GĦAL GĦAWDEX ŻiguŻajg jirritorna Għawdex għat-tie...
PR261938en