Left arrow Go Back

STQARRIJA MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI: Il-kampanja ta’ tindif fil-widien se twassal għat-tħawwil ta’ aktar minn 1,500 siġra

pr212091
Date Icon 20/11/2021

Se jitħawlu aktar minn 1,500 siġra grazzi għall-kampanja ta’ tindif ta’ Parks Malta, li flimkien ma’ entitajiet, ma’ kunsilli lokali u ma’ għaqdiet volontarji, qattgħu l-aħħar xhur inaddfu diversi widien. Parks Malta ikkommettiet li tħawwel żewġ siġriet għal kull tunnellata ta’ skart li jinġabar.

Grazzi għal din il-kampanja, inġabbru aktar minn 750 tunellata ta’ skart. Parks Malta, fi ħdan il-Ministeru għall-Iżvilupp Sostenibbli, se tħawwel 1,500 siġra indiġena f’dawn id-diversi widien.

F’din il-kampanja ħadu sehem aktar minn 20 għaqda, inklużi Din l-Art Ħelwa, il-Girl Guides ta’ Birżebbuġa u Raniero’s Adventures. Ingħaqdu wkoll numru ta’ entitajiet governattivi fosthom l-Aġenzija għall-Enerġija u l-Ilma u Enemed. Il-kampanja saret bl-appoġġ tal-ħaddiema ta’ Parks Malta.

Fl-għeluq ta’ din il-kampanja f’Wied il-Għasel, il-Ministru Miriam Dalli rringrazzjat lill-ħaddiema ta’ Parks Malta tax-xogħol estensiv li għamlu u faħħret lill-għaqdiet volontarji li pparteċipaw bi ħġarhom f’din l-inizjattiva. 

“Hija inizjattiva sabiħa biex insebbħu l-ambjent, iżda li għandha sservi wkoll biex niftakru nieħdu ħsieb l-ambjent. Illum qed inħabbru li se niżirgħu aktar siġar, iżda biex wasalna s’hawn kellu jsir xogħol intensiv ta’ tindif biex jitneħħa skart mormi illegalment,” spjegat il-Ministru Dalli. 

Żiedet li Parks Malta mhux biss se tkun qed tħawwel is-siġar, imma timpenja ruħha wkoll għall-manteniment tagħhom.

Min-naħa tiegħu, id-Direttur Ġenerali ta’ Parks Malta Adrian Attard qal li permezz ta’ inizjattivi bħal dawn inkunu qed naħdmu aktar favur il-konservazzjoni tal-ambjent naturali ta’ pajjiżna. 

STQARRIJA MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI: Il-kampanja ta’ tindif fil-widien se twassal għat-tħawwil ta’ aktar minn 1,500 siġra
STQARRIJA MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI: Il-kampanja ta’ tindif fil-widien se twassal għat-tħawwil ta’ aktar minn 1,500 siġra
STQARRIJA MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI: Il-kampanja ta’ tindif fil-widien se twassal għat-tħawwil ta’ aktar minn 1,500 siġra
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Il-Ministru Anton Refalo jżur il-proġett tat-trobbija u r-ripopolazzjoni tar-rizzi tal-baħar f’Torri San Luċjan

PR261957

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-INKLUŻJONI U L-VOLONTARJAT U MILL-MINISTERU GĦALL-POLITIKA SOĊJALI U L-FAMILJA  Malta tlaqqa’ esperti Ewropej dwar l-inklużjoni tat-tfal b’diżabilità u s-sostenn lill-familji tagħhom

PR261956

STQARRIJA MILL-MINISTERU GĦALL-INKLUŻJONI U L-VOLONTARJAT U MILL-MINISTERU ...

More Press Releases Right arrow