L-Onor. Giovanna Debono ikkonfermata viċi-President tal-Political Bureau tas-CPMR
pr1445
07/10/2008
| Waqt is-36 | Assemblea Ġenerali tal-Konferenza għar-Reġjuni Periferiċi u Marittimi ta’ l-Ewropa (CPMR), li saret bejn it-2 u t-3 ta’ Ottubru, 2008 f’Aquitaine fi Franza, l-Onor Giovanna Debono, Ministru għal Għawdex reġgħet ġiet ikkonfermata bħala Viċi President tal-Political Bureau.. |
| Il-Ministru għal Għawdex ipparteċipat | f’din l-assemblea li matulha ġew diskussi diversi temi minn perspettiva reġjonali. Id-diskussjoni kellha wkoll il-parteċipazzjoni ta’ awtoritajiet u esperti f’oqsma rispettivi, fosthom il-Kummissarju Ewropew għas-Sajd u Affarijiet Marittimi, Dr Joe Borg, flimkien ma’ rappreżentanti tal-Kummissjoni Ewropea, il-Parlament Ewropew u Awtoritajiet Reġjonali. |
| Il-Konferenza għar-Reġjuni Periferiċi u | Marittimi ta’ l-Ewropa (CPMR) twaqqfet fl-1973 bi 30 reġjun bħala membri. Illum is-CPMR tirrappreżenta 159 reġjun li ġejjin minn 29 pajjiż differenti li għandhom popolazzjoni bejniethom li tlaħħaq madwar 200 miljun ruħ. L-għan ewlieni wara l-ħidma ta’ dawk ir-reġjuni membri fis-CPMR hi dik li jiġu żviluppati aħjar iż-żoni periferiċi u gżejjer madwar l-Ewropa. Permezz ta’ taħditiet u negozjati ma’ Gvernijiet ċentrali u istituzzjonijiet Ewropej, is-CPMR taħdem favur il-kunsiderazzjoni tal-ħtiġijiet u l-interessi tat-territorji tagħha b’mod partikolari fejn tidħol politika li jista’ jkollha impatt territorjali qawwi bħal fil-każ tal-politika reġjonali ta’ l-Unjoni Ewropea, l-iżvilupp sostenibbli, it-trasport, l-agrikoltura, is-sajd u r-riċerka. |
| Il-Konferenza għar-Reġjuni Periferiċi Marittimi | ta’ l-Ewropa hija maqsuma f’sitt kummissjonijiet ġeografiċi li jinkludu il-Kummissjoni tal-Gżejjer u l-Kummissjoni Inter-Mediterranja, li tagħhom ir-reġjun ta’ Għawdex huwa membru. |
Stqarrijiet Oħra:
PR261979en
PRESS RELEASE BY THE OFFICE OF THE SPEAKER Speaker of the House meets Malt...
PR261979