ITTRI TA’ TWISSIJA GĦAS-SIDIEN TAL-CARAVANS TA’ BAĦAR IĊ-ĊAGĦAQ
pr1381
30/09/2008
| Ilbieraħ, it-Tnejn 29 ta’ Settembru 2008, | uffiċjali tad-Diviżjoni Propjetà tal-Gvern fuq inizjattiva tas-Segretarju Parlamentari Jason Azzopardi, qassmu iktar minn 100 ittra ta’ avviż lis-sidien ta’ Caravans ġewwa Baħar iċ-Ċagħaq. Is-sidien ingħataw 48 siegħa żmien biex ineħħu l-Caravans tagħhom minn fuq is-sit. |
| Dan | l-ewwel stadju ta’ infurzar f’dan is-sit, illi dam sejjer matul il-ġurnata kollha tat-Tnejn, qed isir minħabba li dan is-sit mhuwiex sit maħsub għal Caravans, u b’hekk ma jistax jiġi okkupat minn min m’għandux titolu tal-art. Dan l-abbuż ta’ art pubblika joħroġ iktar ċar meta wieħed iqis li wħud minn dawn il-Caravans huma mdawwrin bi strutturi fissi mingħajr ebda permessi relevanti. |
| Dan | l-eżerċizzju huwa biss l-aħħar fost kampanja li nieda s-Segretarjat Parlamentari għall-Erarji Pubbliċi u Artijiet, li jerġa’ jrodd lura lill-pubbliku dak li huwa tiegħu. Każi oħra kienu l-azzjonijiet ta’ infurzar għal imwejjed u siġġijiet f’Tas-Sliema, Wied il-Għajn, Marsaxlokk, Buġibba, Birżebbuġia, Xlendi u Marsalforn, kif ukoll l-evakwazzjoni ta’ squatters minn siti bħall-Palazz l-Aħmar tal-Marfa u l-kantina tal-Kamrata fil-Belt Valletta. |
Stqarrijiet Oħra:
PR261978
STQARRIJA MIS-SEGRETARJAT PARLAMENTARI FIL-MINISTERU GĦALL-ENERĠIJA, L-AMBJ...
PR261977