STQARRIJA GHALL-ISTAMPA MILL-UFFICJU TAL-KOMPETIZZJONI GUSTA
pr1359
26/09/2008
| B’riferenza għad-diversi | rapporti li dehru fil-medja dwar x’riżultat ħalla l-istħarriġ dwar is-suq tal-uniformijiet tat-tfal tal-iskola, l-Uffiċċju tal-Kompetizzjoni Ġusta jrid jiċċara li l-iskop ta’ dan l-istħarriġ kien li jwassal biex jinħarġu linji gwida biex l-iskejjel kollha f’Malta u Għawdex jimxu fuqhom. |
| F’dan l-istħarriġ ipparteċipaw ġenituri u | skejjel permezz ta’ kwestjonarji li ġie mħejji apposta u li tqassmu mal-iskejjel kollha. F’dan l-istħarriġ pparteċipaw 133 skola u ‘l fuq minn 1,000 ġenitur. L-Uffiċċju kellu wkoll għadd ta’ laqgħat ma’ numru ta’ operaturi fis-suq kif ukoll ma’ numru ta’ skejjel partikolari. Minkejja li l-mira tal-Uffiċċju kienet it-tlestija tal-istħarriġ sal-bidu tas-sena skolastika, il-ħtieġa li jinstemgħu l-akbar numru possibbli ta’ stakeholders biex ikunu determinati rakkomandazzjonijiet aktar ġusti għal dawk kollha involuti, wasslet biex il-proċess kien estiż. |
| L-Uffiċċju għamel evalwazzjoni tas-suq in | kwistjoni u identifika numru ta’ aspetti li jeħtieġ li jiġu indirizzati. Fost l-oħrajn, l-Uffiċċju jirrakkomanda li għandu jkun hemm proċess ta’ sejħiet għall-offerti għall-provvista ta’ uniformijiet, li aktar minn ħanut wieħed ikun jista’ jbiegħ l-uniformijiet u li l-iskejjel għandhom jevitaw uniformijiet b’disinji kkumplikati biex jillimitaw l-ispejjeż. Bħalissa, għaddejjin diskussjonijiet mad-Diviżjoni tal-Edukazzjoni dwar l-aħjar mod ta’ kif dawn ir-rakkomandazzjonijiet jistgħu jinbidlu f’linji gwida li jkollhom jiġu osservati mill-iskejjel kollha. |
Stqarrijiet Oħra:
PR261978
STQARRIJA MIS-SEGRETARJAT PARLAMENTARI FIL-MINISTERU GĦALL-ENERĠIJA, L-AMBJ...
PR261977