Stqarrija għall-Istampa mill-Ministeru tal-Finanzi, l-Ekonomija u l-Investiment: 10 għaqdiet igawdu €188,000 mill-Fond għall-Kawżi Ġusti
Stqarrija għall-Istampa mill-Ministeru tal-Finanzi, l-Ekonomija u l-Investiment: 10 għaqdiet igawdu €188,000 mill-Fond għall-Kawżi Ġusti Għaxar għaqdiet sportivi, mużikali, kulturali u filantropiċi bbenefikaw b’aktar minn €188,000 f’għajnuna finanzjarja diretta mill-Fond għall-Kawżi Ġusti, li huwa ġestit mill-Ministeru tal-Finanzi, l-Ekonomija u Investiment. Fi preżentazzjoni li saret illum fl-istess Ministeru, il-Ministru Tonio Fenech feraħ lill-organizzazzjonijiet preżenti li minkejja limitazzjonijiet kbar fejn jidħlu aċċess għall-finanzi jirnexxilhom iwettqu ħidma li tkun ta’ benefiċċju għas-soċjetà billi jippermettu numru akbar ta’ persuni jgawdu minn attivitajiet ta’ natura soċjali, sportiva, mużikali, kulturali u filantropika. Tonio Fenech sostna li huwa ta’ sodisfazzjon li permezz ta’ dan il-Fond, il-Gvern jista’ jgħin lil dawn l-għaqdiet li permezz tal-membri tagħhom huma xhieda ta’ ċittadinanza attiva u impenn qawwi favur ħajja aħjar għal dawk ta’ madwarhom. Waqt l-istess okkażjoni, il-Ministru Fenech spjega li għadu kif kien maħtur kumitat ġdid li r-responsabbiltà tiegħu hija li jevalwa l-applikazzjoni għall-Fond bl-għan li jqassam l-għajnuna disponibbli għal dawk l-għaqdiet li l-aktar li għandhom bżonn. Grazzi għall-Fond għall-Kawżi Ġusti, l-għaqdiet konċernati ngħataw għajnuna fl-organizzazzjoni tal-attivitajiet li ġejjin:
DOI – 04.09.2008 | ||||||||||||||||||||
Stqarrijiet Oħra:
PR261976en
PRESS RELEASE BY THE MINISTRY FOR FOREIGN AND EUROPEAN AFFAIRS Mediterranea...
PR261976