Left arrow Mur Lura

Jidħlu fis-seħħ  Ftehim ma’ l-Arabja Sawdita u ieħor ma’ l-Emirati Għarab Magħquda

pr1031
Date Icon 06/07/2007

Mil-lum daħal fis-seħħ il-Ftehim ta’ Kooperazzjoni Ġenerali bejn l-Arabja Sawdita u Malta. Dan il-ftehim kien iffirmat mill-Ministru għall-Affarijiet Barranin Michael Frendo waqt zjara li għamel fl-Arabja Sawdita f’April tas-sena li għaddiet.

Il-Ftehim jipprovdi biex iż-żewġ pajjiżi jaħdmu biex jinkoraġixxu t-tkabbir fil-kummerċ bejniethom kif ukoll il-ħolqien ta’ joint ventures bejn investituri tagħhom filwaqt li jiggarantixxu t-trasferiment ta’ fondi għal skopijiet ta’ investiment. 

Iż-żewġ pajjiżi qablu wkoll li jikkoperaw u jibdlu informazzjoni f’oqsma ta’ interess u li esperti tagħhom iżuru l-pajjiżi rispettivi għal laqgħat bejn riċerkaturi, esperti u tekniċi fl-oqsma ta’ l-edukazzjoni, xjenza, teknoloġija, kultura, żgħażagħ, sport u arti. 

Twaqqfet ukoll Kummissjoni Konġunta biex issegwi l-implimentazzjoni ta’ dan l-istess ftehim. 

Sadattant, l-awtoritajiet ta’ l-Emirati Għarab Magħquda infurmaw lill-Ministeru ta’ l-Affarijiet Barranin li l-Ftehim dwar Ħelsien mit-Taxxa Doppja li l-Gvern Malti, permezz tal-Ministeru ta’ l-Affarijiet Barranin, ikkonkluda ma’ l-Emirati, kien ratifikat mill-istrutturi amministrattivi tal-pajjiż u allura issa daħal fis-seħħ. 

Dan il-ftehim bħal ħafna oħra li pajjiżna għandu ma’ diversi pajjiżi, għandu jservi biex jiffaċilita’ l-kummerċ u l-investiment bejn iż-żewġ pajjiżi u jkompli jsaħħaħ ir-relazzjonijiet tajba li jeżistu bejn iż-żewġ pajjiżi.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION FOR THE GRAND HARBOUR  Malta with a strong voice in international climate change negotiations

PR261966en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

STQARRIJA MILL-MINISTERU GĦALL-ENERĠIJA, L-AMBJENT, U R-RIĠENERAZZJONI GĦALL-PORT IL-KBIR  Malta b’vuċi b’saħħitha fin-negozjati internazzjonali dwar it-tibdil fil-klima

PR261966

STQARRIJA MILL-MINISTERU GĦALL-ENERĠIJA, L-AMBJENT, U R-RIĠENERAZZJONI GĦAL...

Aktar Stqarrijiet Right arrow