Left arrow Mur Lura

DELEGAZZJONI  KBIRA TA’ MEMBRI PARLAMENTARI ŻŻUR IL-KUMMISSJONI EWROPEA

PR0918
Date Icon 19/06/2007

L–ikbar delegazzjoni ta’ Membri Parlamentari minn Malta żaret il-Kummissjoni Ewropea għal żjara ta’ 24 siegħa mimlija laqgħat intensivi nhar il-Ħamis, 14 ta’ Ġunju, 2007. Id-delegazzjoni, immexxija mill-Onor. Jason Azzopardi, President tal-Kumitat għall-Affarijiet Barranin u Ewropej, iltaqa’ ma’ numru ta’ uffiċjali għoljin mill-Kummissjoni, fosthom il-Kummissarju Borg, responsabbli għas-Sajd u Affarijiet Marittimi, il-Kummissarju Almunia, responsabbli għall-Affarijiet Ekonomiċi u Monetarji u l-Kummissarju Pielbags, responsabbli għall-Enerġija.  Saru laqgħat mal-Kap tal-Kabinett tal-Viċi-President Verheugen, li hu responsabbli mill-qasam ta’ l-Intrapriża u Industrija, mal-Kap tal-Kabinett tal-Kummissarju Ferrero-Waldner, li tieħu ħsieb ir-Relazzjonijiet Esterni u Politika Ewropea tal-Viċinat kif ukoll mad-Direttur Ġenerali għall-Impjiegi, Affarijiet Soċjali u Opportunitajiet Indaqs. 

Il-membri kellhom l-opportunità li jagħmlu diversi mistoqsijiet li huma ta’ interess kbir għal Malta.  Id-diskussjonijiet kienu varji, mill-introduzzjoni ta’ l-Ewro f’Malta, għall-enerġija alternattiva, kif ukoll l-importanza tar-riċerka fil-qasam ta’ l-Intrapriża u Industrija.  Id-delegati qajmu diversi punti fuq l-immigrazzjoni illegali, it-turiżmu, in-nisa fil-qasam tax-xogħol kif ukoll opportunatijiet indaqs għal kulħadd.  Ġew diskussi wkoll numru ta’ proposti li tressqu mill-Kummissjoni fuq is-Suq Intern, Regolamentazzjoni aħjar u l-politika Ewropea għat-turiżmu.  Id-diskussjonijiet mal-Kummissarju Borg iffukaw fuq il-politika marittima futura fejn intlaħaq ftehim miż-żewġ naħat tal-Kamra, biex tiġi organizzata laqgħa fuq is-suġġett aktar tard din is-sena. 

Id-delegazzjoni kienet magħmula mill-Onor. Joseph Abela, l-Onor. Michael Asciak, l-Onor. Jason Azzopardi, l-Onor. Stefan Buontempo, l-Onor. Joseph Cuschieri, l-Onor. Angelo Farrugia, l-Onor. Roderick Galdes, l-Onor. Gavin Gulia, l-Onor. Silvio Parnis, l-Onor. Anton Refalo, l-Onor. Joseph Sammut u l-Onor. George Vella.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION FOR THE GRAND HARBOUR  Malta with a strong voice in international climate change negotiations

PR261966en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

STQARRIJA MILL-MINISTERU GĦALL-ENERĠIJA, L-AMBJENT, U R-RIĠENERAZZJONI GĦALL-PORT IL-KBIR  Malta b’vuċi b’saħħitha fin-negozjati internazzjonali dwar it-tibdil fil-klima

PR261966

STQARRIJA MILL-MINISTERU GĦALL-ENERĠIJA, L-AMBJENT, U R-RIĠENERAZZJONI GĦAL...

Aktar Stqarrijiet Right arrow