Left arrow Mur Lura

Laqgħat dwar negozju f’Beijing u Shangai

PR0915
Date Icon 19/06/2007

Bis-saħħa taż-żjara tal-Ministru ta’ l-Affarijiet Barranin Michael Frendo fiċ-Ċina, ir-rappreżentanti ta’ 37 kumpannija jew organizzazzjoni Maltin kellhom l-opportunita’ jiltaqgħu u jitkellmu ma’ uffiċjali tal-Gvern Ċiniż u negozjanti Ċiniżi f’laqgħat li saru kemm f’Beijing kif ukoll f’Shangai. 

F’dawn il-laqgħat il-Ministru Frendo tenna li ż-żjara tad-delegazzjoni Maltija kienet ferm importanti għar-relazzjonijiet bejn iż-żewġ pajjiżi u rringrazzja lill-awtoritajiet Ċiniżi għall-appoġġ tagħhom biex din iż-żjara ta’ l-akbar delegazzjoni kummerċjali minn Malta setgħet isseħħ u tkun suċċess. 

L-Ambaxxata Maltija f’Beijing bl-għajnuna taċ-Ċentru Ċiniż għall-Promozzjoni tal-Kummerċ Internazzjonali u l-Assoċjazzjoni Ċiniża għall-Impriżi Żgħar u Medji organizzat laqgħat individwali għal kull negozjant Malti.  L-HSBC Bank ukoll ta l-għajnuna tiegħu biex setgħu jsiru dawn il-laqgħat. 

Karl Xuereb, l-Ambaxxatur Malti fiċ-Ċina qal li din iż-żjara offriet opportunita’ unika għall-promozzjoni ta’ Malta bħala ċ-Ċentru ideali fil-Mediterran minfejn l-imprendituri Ċiniżi u  Maltin jistgħu jagħmlu negozju fl-Unjoni Ewropea u l-Afrika ta’ Fuq. 

Il-kapaċita’ ta’ Malta li toffri pakkett ta’ inċentivi u loġistika u servizzi finanzjarji fis-suq uniku Ewropew hi xi ħaġa unika.  Barra minn dan, id-delegazzjoni tal-Ministru Frendo ippromwoviet ukoll lil Malta bħala Ċentru ta’ Edukazzjoni bil-lingwa Ngliża u lil Malta bħala Ċentru Internazzjonali tal-Kummerċ.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION FOR THE GRAND HARBOUR  Malta with a strong voice in international climate change negotiations

PR261966en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

STQARRIJA MILL-MINISTERU GĦALL-ENERĠIJA, L-AMBJENT, U R-RIĠENERAZZJONI GĦALL-PORT IL-KBIR  Malta b’vuċi b’saħħitha fin-negozjati internazzjonali dwar it-tibdil fil-klima

PR261966

STQARRIJA MILL-MINISTERU GĦALL-ENERĠIJA, L-AMBJENT, U R-RIĠENERAZZJONI GĦAL...

Aktar Stqarrijiet Right arrow