Left arrow Mur Lura

ProgramM biex tiġi protetta razza ta’ baqar endemika li tinsab f’riskju ta’ estinzjoni

PR0890
Date Icon 14/06/2007

Sabiex tkompli tiġi protetta il-bijodiversita’ ta’ pajjiżna, permezz taċ-Ċentru ta’ Ricerka u Żvilupp Agrikolu fl-Għammieri inxtraw annimali endemiċi Maltin li huma mhedda bl-estizjoni sabiex ikunu ikkonservati u mkattra.  

L-annimali jikkonsistu f’żewġ baqriet, erħa u għoġol tar-razza Maltija li nxtraw mingħand l-uniku raħħal li baqa’ jrabbi u jikkonserva din ir-razza t’annimali. L-annimali li nġiebu fl-Għammieri illum wara nofsinhar, huma ikkunsidrati mill-Organizazzjoni l-Ikel u l-Agrikoltura fi ħdan il-Ġnus Magħquda (FAO) bħala razza li hija mhedda u li qed tirriskja l-estinzjoni.  Din hi razza ta’ għoġiela  kienu jintuzaw minn bdiewa Maltin għax-xogħol fl-għelieqi u l-oriġini tagħhom imur lura għall-Preistorja. Fil-fatt l-erħa u l-għoġol għandhom pedigree ta’ ‘l fuq minn 96% purita’ u huma meqjusa skond in-normi tar-Rare Breeds International bħala puri. 

Waqt zjara fl-Għammieri li għamel illum wara nofsinhar, il-Ministru għall-Affarijiet Rurali u l-Ambjent l-Onor. George Pullicino qal li “dan hu sforz ieħor biex tkun protetta il-bijodiversita’ ta’ pajjizna”.  

L-annimali inġiebu l-Għammieri taħt il-kura tas-Sezzjoni tat-Trobbija ta’ l-Annimali fejn hemm hsieb li bi programm ta’ tgħammir imħejji mill-Professur Mark Brincat issir konservazzjoni ġenetika ta’ din ir-razza u esperimenti għal skop ta’ tkattir li jista’ jinvolvi ukoll it-teknika ta’ embryo transfers u  surrogate mothers.

Is-Segretarju Parlamentari fil-Ministeru, responsabbli mill-Biedja,  l-Onor. Francis Agius qal li “b’dan l-isforz ser ikun possibbli li nsalvaw mhux biss razza endemika milli tispiċċa izda qed insalvaw parti mill-wirt nazzjonali”. 

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION FOR THE GRAND HARBOUR  Malta with a strong voice in international climate change negotiations

PR261966en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

STQARRIJA MILL-MINISTERU GĦALL-ENERĠIJA, L-AMBJENT, U R-RIĠENERAZZJONI GĦALL-PORT IL-KBIR  Malta b’vuċi b’saħħitha fin-negozjati internazzjonali dwar it-tibdil fil-klima

PR261966

STQARRIJA MILL-MINISTERU GĦALL-ENERĠIJA, L-AMBJENT, U R-RIĠENERAZZJONI GĦAL...

Aktar Stqarrijiet Right arrow