Left arrow Go Back

Il-Ministeru tas-Saħħa, l-Anzjani u  Kura fil-Komunità jikkundanna t-theddida ta’ bomba fl-Outpatiens ta’ l-Isptar San Luqa

PR0668
Date Icon 08/05/2007

Illum fid-9.15 ta’ filgħodu fl-iSptar San Luqa fuq il-linja ta’ l-emerġenza daħlet telefonata anonima dwar bomba fid-Dipartiment ta’ l-Outpatients li kellha tisplodi siegħa wara t-telefonata. 

Immedjatament l-awtoritajiet ta’ l-isptar infurmaw il-Pulizija.  Il-Pulizija flimkien ma’ l-awtoritajiet ta’ l-isptar iddeċidew li jevakwaw id-Dipartiment ta’ l-Outpatiens u l-Ispiżerija ta’ l-istess dipartiment biex tkun imħarsa s-sigurtà kemm tal-pazjenti kif ukoll ta’ l-istaff. 

Peress li l-awtoritajiet ta’ l-isptar ġew infurmati li l-eżerċizzju kien se jieħu fit-tul, ġie deċiż li l-pazjenti li kellhom appuntament ma jitħallewx jistennew u għalhekk intbgħatu d-dar u ġew mgħarrfa li se jingħatalhom appuntament ieħor mill-aktar fis possibbli. 

Membri mill-Bomb Disposal Unit għamlu tfittxija li rriżultat fin-negattiv.  Il-ħidma tal-Bomb Disposal Unit intemmet għal ħabta tal-11.15am.  

Il-Ministeru tas-Saħħa, l-Anzjani u Kura fil-Komunità flimkien ma’ l-awtoritajiet ta’ l-iSptar San Luqa jikkundannaw bil-qawwa dan l-att irresponsabbli li jtellef u jfixkel is-servizz li kuljum, li jingħata mid-Dipartiment ta’ l-Outpatients.  Atti bħal dawn jista’ jkollhom konsegwenzi fuq il-ħajja tan-nies speċjalment fuq pazjenti li jkunu qegħdin l-isptar għall-kura. 

Il-Ministeru tas-Saħħa jappella għall-koperazzjoni ta’ kulħadd biex ma jirrepetux ruħhom inċidenti simili li jistgħu jkunu kaġunati minn mottivi egoistiċi jew bil-ħsieb li jagħmlu l-bsaten fir-roti lis-servizzi ta’ kura tas-saħħa mgħotija mill-iSptar San Luqa.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-EDUKAZZJONI U L-ISPORT  Il-Ministru Byron Camilleri jirrikonoxxi s-suċċess storiku tat-timijiet Maltin tal-golf fil-Kampjonati Ewropej

PR261962

STQARRIJA MILL-MINISTERU GĦALL-EDUKAZZJONI U L-ISPORT Il-Ministru Byron Ca...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  Malta brings together 15 startups from 12 countries to advance innovation in circular electronics

PR261961en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

More Press Releases Right arrow