Left arrow Go Back

Il-Fiera tar-Rebbiegħa fil-Park Nazzjonali ta’ Ta’ Qali

PR0647
Date Icon 04/05/2007

Bejn is-Sibt 5 ta’ Mejju u l-Ħadd 6 ta’ Mejju, il-Ministeru għall-Affarijiet Rurali u l-Ambjent b’kollaborazzjoni ma’ l-Awtorita’ Maltija għal Ambjent u l-Ippjanar ser jorganizza Fiera tar-Rebbiegħa fil-Park Nazzjonali ta’ Ta’ Qali. Din l-Fiera ser tkun parti mill-festival innovattiv Earth Garden li qed jiġi organizzat minn Exit Events and Tribali Music bil-għan li jippromwovi l-kuxjenza ambjentali. 

Il-Ministru George Pullicino żar l-aħħar tħejjijiet fil-Villaġġ Miftuħ f’Ta’ Qali. Huwa faħħar din l-attivita’ sħiħa u ħeġġeg kull attivita’ li ssir favur l-ambjent “għaliex dawn ikabbru l-għarfien ambjentali f’pajjiżna.”  

Huwa rringrazzja lil kull min jaħdem biex jitjieb l-ambjent u ħeġġeġ lill-familji Maltin u Għawdxin jattendu u jagħtu l-appoġġ lit-talent lokali. Huwa semma li barra l-Fiera tar-Rebbiegħa, din is-sena se tkun organizzata għal darb’oħra l-Ekofest u l-ġimgħa ta’ l-ambjent għal Jum l-Ambjent fil-bidu ta’ Ġunju. 

Fost affarijiet oħra, il-Fiera tar-Rebbiegħa ser tinkludi diversi stands b’informazzjoni dwar il-proġetti mtella’ minn Wasteserv u l-MEPA. Għal wiri se jkun hemm ukoll proġetti kurrenti ta’ afforestazzjoni u l-kampanja 34U, prodotti tal-biedja u sajd, kif ukoll artiġjanat.  

Ser ikunu organizzati sensiela ta’ workshops u ser ikun hemm area għat-tfal b’divertiment kontinwu. Id-dħul kollu f’dan il-villaġġ miftuħ se jkun  b’xejn.   

Barra l-Fiera tar-Rebbiegħa, il-festival Earth Garden se jlaqqa’ flimkien diversi forom artistiċi, bħal pittura, fotografija, mużika u drama, kollha bil-għan li jqajmu iktar l-ġħarfien ambjentali. L-artisti li ser jipparteċipaw huma kollha artisti lokali u għalhekk se jkun bħala pjattaforma għal talent artistiku lokali. Installazzjonijiet ta’ l-arti, skulturi, xogħlijiet ta’ fotografija u street drama ser jikkreaw festa viżwali dinamika u mimlija kulur.  

Minbarra l-attivitajiet bla ħlas fil-villagg miftuħ, Earth Garden se jtella’ żewġ serati b’Kuncerti Live minn artisti lokali. Is-Sibt 5 ta’ Mejju ser ikun fost l-artisti mużikali, il-grupp Etnika, Nafra u Spooky Monkey. Il-Ħadd ser ikun hemm il-perkussjonista Renzo Spiteri u l-grupp Tribali. Għal iktar informazzjoni dwar biljetti wieħed jista’ jżur is-sit elettroniku www.earthgarden.com.mt

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-EDUKAZZJONI U L-ISPORT  Il-Ministru Byron Camilleri jirrikonoxxi s-suċċess storiku tat-timijiet Maltin tal-golf fil-Kampjonati Ewropej

PR261962

STQARRIJA MILL-MINISTERU GĦALL-EDUKAZZJONI U L-ISPORT Il-Ministru Byron Ca...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  Malta brings together 15 startups from 12 countries to advance innovation in circular electronics

PR261961en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

More Press Releases Right arrow