Left arrow Mur Lura

Id-Diviżjoni tas-Saħħa tappella għall-kalma

pr0561
Date Icon 11/04/2006

Wara li deheru diversi rapporti fil-ġurnali dwar tliet każi ta’ Epatite A, id-Diviżjoni tas-Saħħa tappella għall-koperazzjoni tal-media biex jgħinu ħalli ma jinħoloqx allarm bla bżonn, li jwassal biex il-ġenituri ma jibgħatux lil uliedhom l-iskola. 

Id-Diviżjoni tas-Saħħa għal darb’oħra ttenni li, l-Epatite A mhix infezzjoni perikoluża u tfieq kompletament mingħajr ma tħalli konsegwenzi.  L-awtoritajiet tas-saħħa f’każi simili, dejjem jieħdu prekawzjoni u jlaqqmu biss lil persuni viċin ta’ min ikollu din il-kundizzjoni.   

M’hemm l-ebda raġuni għaliex persuni, li ma jiġux identifikati mill-awtoritajiet tas-saħħa bħala li għandhom bżonn din it-tilqima, għandhom jiġu mlaqqma. Hu ħażin li tilqima tingħata jekk ma jkunx fuq pariri mediċi li hemm tassew il-ħtieġa.  

Id-Diviżjoni tas-Saħħa terġa’ tappella biex il-ġenituri jsegwu l-istruzzjonijiet li jingħatawlhom.  Tappella wkoll lill-media biex tkun responsabbli u korretta.  Il-media kellha l-assigurazzjoni awtorevoli ta’ l-awtoritajiet tas-saħħa li s-sitwazzjoni kienet il-ħin kollu taħt il-kontroll tagħhom.  Sezzjoni tal-media dehrilha li flok issaħħaħ dan il-messaġġ, ħadmet b’mod li m’għamel xejn ħlief żied it-tensjoni u l-allarm bla bżonn fuq il-ġenituri. 

Illum stess, tobba mid-Dipartiment tas-Saħħa Pubblika ltaqgħu mal-ġenituri biex jerġa’ jiġi spjegat lilhom il-prekawzjonijiet li ħadet id-Diviżjoni tas-Saħħa u jkomplu jserrħulhom moħħhom li m’hemmx raġuni għaliex it-tfal m’għandhomx jintbagħtu l-iskola. 

Id-Diviżjoni tas-Saħħa għal darb’oħra tagħti parir lill-pubbliku biex josserva prattiċi normali u bażiċi ta’ iġjene. 

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Il-Ministru Anton Refalo jżur il-proġett tat-trobbija u r-ripopolazzjoni tar-rizzi tal-baħar f’Torri San Luċjan

PR261957

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-INKLUŻJONI U L-VOLONTARJAT U MILL-MINISTERU GĦALL-POLITIKA SOĊJALI U L-FAMILJA  Malta tlaqqa’ esperti Ewropej dwar l-inklużjoni tat-tfal b’diżabilità u s-sostenn lill-familji tagħhom

PR261956

STQARRIJA MILL-MINISTERU GĦALL-INKLUŻJONI U L-VOLONTARJAT U MILL-MINISTERU ...

Aktar Stqarrijiet Right arrow