Left arrow Mur Lura

GĦOTI TA’ GĦAJNUNA FINANZJARJA LILL-KAMRA TAN-NEGOZJU GĦAL GĦAWDEX

PR984
Date Icon 10/06/2004

Il-Ministru għal Għawdex, l-Onor Giovanna Debono, ippreżentat l-għotja finanzjarja annwali lill-Kamra tan-Negozju għal Għawdex (Gozo Business Chamber). Ic-ċekk ta’ Lm2,500 gie pprezentat lil Dr Michael Caruana, President tal-Kamra tan-Negozju għal Għawdex.

F’kelmtejn ta’ l-okkażjoni, il-Ministru Debono qalet li l-Ministeru għal Għawdex, meta reġa’ ġie mwaqqaf f’Settembru 1998, mill-ewwel ried li jitwaqqfu organizzazzjonijiet li jiġbru fihom l-imsieħba ekonomici u socjali tal-gżira. Kien għalhekk li sa’ l-1999 twaqqfu l-Kamra tan-Negozju għal Għawdex u l-Assoċjazzjoni tat-Turiżmu għal Għawdex.

Minn dakinhar ‘l hawn, qalet il-Ministru, dawn iż-żewġ organizzazzjonijiet urew il-ħtieġa ta’ korpi simili għaliex wettqu diversi inizjattivi filwaqt li pprovdew punt fokali li għaqqad lill-imprendituri Għawdxin. Il-Ministru Debono qalet li l-Kamra tan-Negozju għal Għawdex tat is-sehem importanti tagħha sabiex il-ħtiġijiet speċifiċi ta’ Għawdex jiġu studjati b’iktar dettal u allura jinkiseb pakkett adattat għal Għawdex fin-negozjati ta’ Malta ma’ l-Unjoni Ewropea.

Issa li Malta, u allura Għawdex, jifformaw parti minn din il-familja ta’ pajjiżi Ewropej, il-Kamra tan-Negozju għal Għawdex kompliet tingħata iktar importanza peress li l-President tagħha huwa membru, bi dritt ta’ vot, fil-Kumitat Reġjonali għall-Proġetti f’Għawdex.

Il-Ministru Debono awgurat ħidma iktar siewja b’riżq Għawdex u l-qasam ekonomiku tiegħu filwaqt li rringrazzjat lill-Kamra tan-Negozju għal Għawdex għall-interess kontinwu li tieħu fir-rigward tal-gżira.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR EQUALITY AND CIVIL RIGHTS Malta records one of the strongest improvements in gender equality in the EU

PR261938en

PRESS RELEASE BY THE MINISTRY FOR EQUALITY AND CIVIL RIGHTS Malta records o...

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Malta tirreġistra wieħed mill-akbar avvanzi fl-ugwaljanza bejn il-ġeneri fl-UE

PR261938

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Malta tirre...

Aktar Stqarrijiet Right arrow