Left arrow Go Back

L-MCAST JINGĦATA L-ERASMUS CHARTER

PR949
Date Icon 04/06/2004

L-MCAST, l-Kulleġġ Malti għall-Arti, Xjenza u Teknoloġija, kiseb l-ERASMUS University Charter,jiġifieri l-MCAST ġie aċċettat bħal Istituzzjoni ta’ Edukazzjoni Għolja għall-finijiet tal-Programmi Edukattivi ta’ l-Unjoni Ewropea. L-MCAST kien wieħed mill-264 istituti li ġie aċċettat minn fost it-324 li applikaw. Il-Ministru Louis Galea sostna li dan hu pass ieħor importanti fl-istima li qed jibni l-Kulleġġ.

“Bis-saħħa ta’ dan iċ-Charter l-istudenti li qed jagħmlu l-korsijiet tal-Higher National Diploma, fil-futur qarib, ser ikunu jistgħu jibbenefikaw mill-vantaġġi taċ-Charter fl-oqsma ta’ mobilita`, trasparenza ta’ kwalifiki, u xogħol fil-pajjizi membri tal-Unjoni. L-istudenti tal-MCAST, bħal dawk ta’ l-Universita`, ser ikunu jistgħu ikomplu t-taħrig tagħhom permezz tal-programm ERASMUS. Għal dan l-iskop l-MCAST ser isaħħaħ l-Uffiċċju Internazzjonali biex għalliema u studenti jkunu jistgħu jieħdu l-benefiċċji tal-programmi edukattivi tal-Unjoni Ewropea,” qal Louis Galea.

L-MCAST ħabbar ukoll li fl-2007 ser jorganizza konferenza annwali taħt il-programm Erasmus ta’ l-Unjoni Ewropeja. Din ser tkun is-17-il Konferenza tal-European Association of Institutions in Higher Education (EURASHE). Dan ġie miftiehem fl-14-il edizzjoni ta’ din il-konferenza wara li d-Direttur Amministrattiv tal-MCAST,  Dr James Calleja, li huwa wkoll membru tal-Bord Eżekuttiv ta’ din l-Assoċazzjoni, għamel il-preżentazzjoni tiegħu u ġie milqugħ ferm tajjeb mill-160 delegat li kien hemm preżenti.

L-EURASHE huwa parti mill-programm ta’ l-Erasmus, li jaqa’ taħt il-programm Socrates. Il-programm Erasmus jieħu ħsieb l-Edukazzjoni Terzjarja, u l-iskop tiegħu huwa li jkun hemm edukazzjoni ta’ kwalità, ikun hemm ko-operazzjoni bejn l-istituzzjonijiet ta’ edukazzjoni għolja, ikun hemm aktar mobilità bejniethom u li jkun hemm rikonoxximent tal-kwalifiki.

Għal dan l-iskop inħoloq il-European Credit Transfer System (ECTS). Din hi sistema li tirrikonoxxi l-kwalifiki ta’ l-istudenti minn universitajiet u kulleġġi Ewropej differenti. Dan mhux biss joħloq aktar ko-operazzjoni, iżda jżid ukoll il-mobilià ta’ l-istudenti madwar l-Ewropa kollha. Il-mira ta’ numru ta’ studenti li jieħdu sehem fi programmi ta’ mobilità sa l-2010 huwa ta’ 3 miljun student skond il-Kummisjoni Ewropea. Dan ifisser li mill-124,000 student fis-sena li hemm bħalissa, in-numru jrid jitla’ sa 375,000 student fis-sena.

Bejn s-snin 2000 u 2006, l-Unjoni Ewropea allokat ‘budget’ ta’ 950 miljun euro, li jirrifletti l-impenn serju li l-UE qed tagħti lil dan il-proġett.

Il-Ministru Louis Galea irringrazzja lil dawk kollha li qed jaħdmu biex dan il-proġett iseħħ, inkoraggixxa lill-istaff kollu ta’ l-MCAST u lill-istudenti kollha biex jieħdu sehem attiv fil-ħidma tal-Kulleġġ.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR EQUALITY AND CIVIL RIGHTS Malta records one of the strongest improvements in gender equality in the EU

PR261938en

PRESS RELEASE BY THE MINISTRY FOR EQUALITY AND CIVIL RIGHTS Malta records o...

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Malta tirreġistra wieħed mill-akbar avvanzi fl-ugwaljanza bejn il-ġeneri fl-UE

PR261938

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Malta tirre...

More Press Releases Right arrow