Left arrow Go Back

L-IMPORTANZA TA’ L-ISPORT FL-EDUKAZZJONI

PR870
Date Icon 25/05/2004

L-IMPORTANZA TA’ L-ISPORT FL-EDUKAZZJONI

“L-isport huwa importanti ferm fl-edukazzjoni għaliex fih uliedna mhux biss qed itejjbu saħħithom iżda wkoll jitgħallmu jaħdmu flimkien aħjar bħala tim, ħila li ’l quddiem żgur ser ikollhom bżonn meta jibdew il-ħajja tax-xogħol tagħhom.” Dan qalu il-Ministru ta’ l-Edukazzjoni, Żgħażagħ u Impjiegi, l-Onor. Louis Galea waqt il-preżentazzjonijiet tal-premjijiet ta’ l-‘Active Lifestyle Cup’ organizzata mill-General Soft Drinks Company ġewwa il-Kumpless Sportiv tal-Kottonera.

F’din l-attività, li hija parti mill-kampanja tal-Coca Cola International, ħadu sehem kemm skejjel ta’ l-istat kif ukoll skejjel privati. B’kollox kien hemm 10 timijiet tal-futbol, kemm bniet kif ukoll subien, u l-iskejjel li pparteċipaw kienu Dun G Zammit Junior Lyceum (subien), G Despott Junior Lyceum (subien), Liċeo Vassalli tal-Ħandaq (subien), San Anton (subien u bniet), St Martins (subien u bniet), Carlo Diacono Junior Lyceum (bniet), Kan P Pullicino Secondary School (bniet), Margaret Mortimer Junior Lyceum (bniet).

Kull skola li ħadet sehem ġiet ippremjata Lm 100 voucher li jista’ jissarraf f’kotba ta’ l-attività sportiva u s-saħħa,  3 settijiet ta’ 8 kits tal-football lil kull tim, u kupun tal-GSDC.

Ir-rebbieħa ta’ kull grupp kienu:

Subien 11/12 - Ħamrun, it-tieni St. Martins u Ħandaq.

Bniet 11/12 - San Anton, it-tieni St Luċija.

Subien 13/14 – Ħandaq, it-tieni San Anton.

Bniet 11/12 – St. Luċija u r-Rabat, it-tieni Żejtun.

Subien 15/16 – Ħandaq, it-tieni Ħamrun.

Bniet 15/16 – Rabat u St. Luċija, it-tieni St Martin.

Ms Micallef, il-manager ġenerali tal-General Soft Drinks Company, qalet fid-diskors tagħha għal din l-okkażjoni li “l-ħeġġa li kien hemm kemm mill-istudenti kif ukoll mill-għalliema u l-kapijiet kienet enormi. Dan il-proġett inħossu li kien ta’ suċċess għaliex intlaħaq l-iskop tiegħu li tingħata importanza akbar lill-isport fl-iskejjel. Id-ditta General Soft Drinks Company tirringrazzja lil kull min ħa sehem u diġà bdew il-preparamenti għas-sena d-dieħla. Barra minhekk nirringrazzjaw ukoll lill-Ministru Louis Galea talli ta l-opportunità li jittella’ dan il-proġett”.

Il-Ministru Louis Galea qal li din l-okkażjoni tkompli ssaħħaħ il-proġetti li qed jiġu organizzati għal din is-sena (2004) li hija s-Sena Ewropea ta’ l-Edukazzjoni permezz ta’ l-Isport (EYES). “Huwa importanti ferm li jittellgħu aktar proġetti ta’ din il-kwalità li jagħtu ċans lit-tfal kollha jkunu aktar sportivi u enerġetiċi b’mod edukattiv”, kompla jgħid il-Ministru fil-waqt li faħħar lid-ditta General Soft Drinks Company ghal din l-inizjattiva u għamel sejħa għall-kumpaniji kollha biex jieħdu aktar inizjattivi bħal dawn.


DOI – 25.05.2004

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION Malta hosts the second INNEXA International Summit to foster new innovation partnerships

PR261937en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR Jittella’ t-tieni summit internazzjonali INNEXA biex jitrawmu sħubijiet ġodda fl-innovazzjoni

PR261937

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZ...

More Press Releases Right arrow