KRITIKA BLA BAŻI U DIŻONESTA FIL-KONFRONT TAL-KUMMISSJONI ELETTORALI
Il-Kap ta’ l-Oppożizzjoni qed juri diżonestà politika fil-kritika bla bażi lejn il-Kummissarju Elettorali Ewlieni u l-Kummissjoni Elettorali. Il-bieraħ, il-Kap ta’ l-Oppożizzjoni għamel referenza għall-faċilitajiet ta’ titjiriet bl-irħis ma’ l-Air Malta għal dawk in-nies li jixtiequ jiġu Malta biex jivvutaw fir-Referendum tat-8 ta’ Marzu.
Il-ftehim ma’ l-Air Malta biex jinħarġu dawn il-biljetti sar mill-Gvern fil-31 ta’ Jannar 2003 u skond ir-Riżoluzzjoni 200g ta’ l-International Air Transport Association(IATA) u mhux mill-Kummissjoni Elettorali. Il-pubbliku u l-media kollha, ġew infurmati b’dan l-arranġament permezz ta’ stqarrija għall-Istampa maħruġa mid-Dipartiment ta’ l-Informazzjoni fil-5 ta’ Frar 2003.
Ta’ min ifakkar lill-Kap ta’ l-Oppożizzjoni li l-istess ftehim u proċedura ntużaw fl-Elezzjoni Ġenerali ta’ Settembru 1998, meta hu kien Prim Ministru.
Faċilità simili ilha tiġi offruta sa mill-Elezzjoni Ġenerali ta’ l-1976.
Stqarrijiet Oħra:
PR261933
STQARRIJA MILL-MINISTERU GĦAL GĦAWDEX Inawgurata Auberge du Chocolat, kunċ...
PR261932