Left arrow Mur Lura

PUBBLIKATI L-KONKLUŻJONIJIET TAL-KUMMISSJONI DWAR IL-ĦATRA TA` L-ESPERTI TAL-QORTI

PR1639
Date Icon 20/11/2002

Il-Ministru tal-Ġustizzja u Gvern Lokali Austin Gatt, illum indirizza konferenza ta` l-aħbarijiet li kellha l-għan li jiġu pubblikati l-konklużjonijiet ta` rapport ta’ Kummissjoni maħtura mill-Ministru Gatt biex tirrelata dwar it-tibdil neċessarju dwar il-metodu tal-ħatra ta’ esperti fil-Qrati.

Il-Kummissjoni kienet presjeduta mis-Segretarju Permanenti fil-Ministeru tal-Ġustizzja u Gvern Lokali, is-Sur John Gatt u kienet magħmula minn:

  • L-Imħallef David Scicluna - nominat mill-Prim Imħallef
  • Il-Maġistrat Consuelo Scerri Herrera – nominata mill-Prim Imħallef
  • Dr. Joseph Giglio – nominat mill-Ministru għall-Ġustizzja u Gvern Lokali
  • Dr. Joseph Micallef Stafrace – nominat mill-Ministru għall-Ġustizzja u Gvern Lokali
  • Supt. Pierre Calleja – nominat mill-Kummissarju tal-Pulizija
  • Dr. Stephen Tonna Lowell – nominat mill-Avukat Ġenerali
  • Dr. Donatella Frendo Dimech – nominata mill-Avukat Ġenerali
  • Dr. Victor Zammit – Direttur Servizzi Legali – jirrappreżenta lid-Direttur Ġenerali tal-Qorti
  • Dr. Francesco Depasquale – nominat mill-Kamra ta` l-Avukati
  • Mr. Saviour Azzopardi - Segretarju

It-terms of referencebażiċi tal-Kummissjoni kienu biex jħarsu kif sal-lum jiġu appuntati l-esperti, jħarsu lejn l-availability ta’ l-esperti fil-qrati tagħna u tara għandniex inħarsu mill-ġdid għal-metodu tan-nomina ta` l-esperti.

Fost ir-rakkomandazzjonijiet li saru l-Kummissjoni elenkat lista ta’ materji li tagħhom normalment ikun hemm ħtieġa ta’ esperti. Dr. Gatt fisser li din kienet l-ewwel darba li qatt sar dan l-eżercizzju. Il-Ministru Gatt fisser dan il-pass bħala wieħed importanti ħafna għax b’hekk wieħed jkun jista` jippjana l-ħtigijiet futuri. 

Il-Kummissjoni rrakomandat ukoll li l-Laboratorju tax-Xjenza Forensika, il-Malta National Laboratory jitwaqqaf fuq bażi iktar soda. Il-Ministru Gatt fisser l-importanza li dan isir. B’hekk ikollna font ta’ esperti indipendenti f’dan il-qasam.

Rakkomandazzjoni oħra li għamlet il-Kummissjoni hija, li jsir reġistru ta` l-esperti tal-Qorti. Dr. Gatt fisser li filwaqt li l-għażla għandha tkun fdata f’idejn l-Imħallef jew Maġistrat partikolari, għandna nbiddlu s-sistema minn kif inhi llum.

Il-Ministru Gatt semma wkoll suġġeriment ieħor li jagħmel dan ir-rapport, li jgħid li espert ma għandux jinħatar bħala espert jekk ikollu diġà appuntat fuq ħamsa u għoxrin (25) kaz. Dr. Gatt filwaqt li fisser li l-ammont ta` limitu mhux necessarjament jkun ta’ 25, l-inidkazzjoni hija li jkun hemm xi tip ta’ limitu li jissalvagwardja l-fatt li persuna maħtura tagħmel ir-rapport fi żmien raġonevoli.

Il-Kummissjoni qegħda tirrakomanda li f’certi każijiet ma ssirx iżjed ħatra ta` l-esperti u minflok ikun hemm proċeduri ġodda kif isiru l-eżamijiet meħtieġa.

Dr. Gatt spjega li dan ir-rapport kien estensiv ħafna, li fihom hemm rifless il-bilanc tal-ħtiġijiet ta’ min jaħdem il-Qorti.

Dan ir-rapport ser jkun aċċessibbli għal kull min irid jikkumenta fuqu, billi jibgħat e-mail fuq info.justice@gov.mt Il-Gvern ser iħalli sa l-aħħar ta` Jannar biex min irid jagħmel kummenti u suġġerimenti jew proposti oħra, jkunu jistgħu jghamluhom. Wara din il-fazi ta` konsultazzjoni jiġu mfassla l-emendi legali u amministrattivi meħtieġa, biex jkollna mod ġdid ta` kif jinħatru l-esperti, temm jgħid il-Ministru Gatt.


Court Experts Commission Report.PDF

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI  Malta Miegħek: Jiżdiedu l-għotjiet għat-tagħlim tal-mużika fil-każini tal-banda u għall-għaqdiet volontarji li jaħdmu fost iż-żgħażagħ

PR261930

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI T...

Aktar Stqarrijiet Right arrow