Left arrow Go Back

STQARRIJA MILL-MINISTERU GĦAR-RIŻORSI U L-INFRASTRUTTURA DWAR PROĠETTI LI JIĠĠENERAW L-INĦAWI MADWAR IL-PORT IL-KBIR

PR1621
Date Icon 18/11/2002

Il-Ministeru għar-Riżorsi u l-Infrastruttura jinnota li l-Kap ta l-Oppożizzjoni Dr Alfred Sant, qed jagħti l-impressjoni li ilu nieqes minn pajjiżu għal żmien twil meta jiddikjara, kif kien irrapurtat fil-gurnali lokali tal-bierah, li proġetti bħal tal-cruise liner passenger terminal jinsabu mwaħħlin għal kollox.

Il-Mnisteru għar-Riżorsi u l-Infrastruttura fakkar li l-mozzjoni dwar it-trasferiment ta’ l-art lill-konsorzju VISET għaddiet mill-Parlament f’Lulju tas-sena l-oħra. Fl-aħħar tas-sena l-oħra beda x-xogħol proprju tal-proġett:

  • Inbena għal kollox il-blokk biex ikunu akkomodati d-disa’ negozji li ntlaqtu mill-proġett.
  • Saru faċilitajiet temporanji għall-passiġġieri li qed jintużaw mill-eluf ta’ turisti u passiġġieri li jużaw il-mollijiet u s-Sea Passenger Terminal.
  • Beda x-xogħol tat-triq li tgħaqqad il-Marsa mal-belt Valletta u li se tgħaddi minn bejn is-swar u l-imħażen ta’ Pinto u Forni.
  • Beda x-xogħol tar-restawr ta’ l-imħażen ta’ Pinto u Forni.
  • Qed jinkixef il-moll li nbena mill-Kavallieri ta’ San Ġwann li se jifforma parti mil-laguna li se tinbena bħala parti mill-proġett.

Il-Ministeru għar-Riżorsi u l-Infrastruttura jinnota li l-Kap ta l-Oppożizzjoni ilmenta li l-inħawi tal-Port il-kbir ġew abbandunati. Xejn mhu aktar ’il bogħod mill-verità. Il-Port il-Kbir tilef ħafna mill-attività tiegħu taħt gvernijiet immexxija mill-Partit Laburista fiż-żmien ta’ wara li telqu s-servizzi Ingliżi minn Malta. Gvernijiet immexxija mill-Partit Nazzjonalista ħasbu li l-port il-Kbir ma jservix aktar għal ħtiġiet marbuta mal-gwerra iżda għal faċilitajiert marburta mal-paċi, mal-ħidma turistika li fuqha qed tinbena parti sostanzjali mill-ekonomija ta’ pajjiżna.

Il-Ministeru għar-Riżorsi u l l-Infrastruttura qal li bħalissa madwar il-Port il-Kbir qed jitwettqu diversi proġetti li jinkludu:

  • Il-Cruise Liner Passenger Terminal fuq in-naħa tal-belt Valletta.
  • Il-proġett tal-Kottonera fuq in-naħa l-oħra tal-port u li hu maħsub li jiġġenera t-tliet ibliet. Dan il-proġett jinsab fi stat avvanzat.
  • Ir-restawr tal-Forti Sant’Anġlu li qed jingħata mill-ġdid il-glorja ta’ l-imgħoddi.
  • Ir-restawr tas-swar madwar il-Forti Ricasoli li jispikkaw appena tidħol fil-Port il-Kbir.
  • Ir-riabilitazzjoni u r-restawr tal-Barrakka t’Isfel u l-Barrakka ta’ Fuq.

Dawn il-proġetti jinvolvu investiment ta’ madwar Lm30 miljun u juru li l-inħawi madwar il-Port il-Kbir mhux talli ma ntelqux, kif allega l-Kap ta’ l-Oppożizzjoni, iżda qatt daqs fl-aħħar erba’ snin ma ngħatatilhom daqshekk attenzjoni. Dan bl-iskop li l-inħawi kollha madwar dan il-port uniku fid-dinja jkunu riabilitati u mgawdija sew mill-Maltin kif ukoll mill-eluf ta’ turisti li jżuruna kull sena.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI  Malta Miegħek: Jiżdiedu l-għotjiet għat-tagħlim tal-mużika fil-każini tal-banda u għall-għaqdiet volontarji li jaħdmu fost iż-żgħażagħ

PR261930

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI T...

More Press Releases Right arrow